Publicado en Curiosidaes, NATURA

Esta singular abeya australiana que se creía estinta fai 100 años, remaneció

 

L’afayu d’una estraña abeya australiana única nel so xéneru abre la esperanza de caltenimientu, pos se-y creía estinta dende fai 100 años.

Una rara abeya australiana que se creía estinta, fixo una apaición sosprendiendo a la comunidá científica, pos nun se-y vía fai 100 años y pensóse-y estinta. La presión para sobrevivir ye mayor cada vez y munches d’elles migren escontra otres zones para garantizar la so subsistencia. L’abeya nativa australiana tien un valor incalculable, pos ye por demás rara, yá que ye la única especie australiana del xéneru Pharohylaeus.

L’afayu d’esta rara abeya australiana producióse de resultes d’una busca de campu xeneralizáu y resultó tan inusual que sosprendió a la comunidá científica. L’abeya de composición por demás intrigante ostenta’l nome científicu de Pharohylaeus lactiferus. La última vegada que se tien rexistru d’un avistamiento de la especie remontase a 1923 y hasta agora creíase estinta.

“Esto ye esmolecedor porque ye la única especie australiana nel xéneru Pharohylaeus y nun se sabía nada de la so bioloxía”, esplica James Dorey, autor de la investigación. Namá esiste otra especie perteneciente al xéneru y vive en Nueva Guinea.

Gracies al entomólogu James Dorey y el so equipu d’investigación, afayóse qu’esta estraña abeya atópase aisllada na mariña esti d’Australia.

Australia baltó más del 40% de les sos zones montiegues dende la colonización europea. De resultes, en gran midida la so enorme biodiversidá viose aisllada. Amás, el cambéu climáticu y les quemes forestales, exercen inda más presión sobro la estinción d’esta y otres especies d’invertebraos.

“Los mios analises xeográficos utilizaos pa esquizar la destrucción del hábitat nes biorrexiones de los trópicos húmedos y la mariña central de Mackay, indiquen la susceptibilidá de les selves tropicales de Queensland y les poblaciones de P. lactiferus a les quemes forestales, particularmente nel contestu d’un paisaxe estazáu”.

Segregación de los ecosistemes

En delles ocasiones, remanecieron especies que se creíen estintes. Lo qu’asocede ye que se vieron obligaes a camudar de zones d’hábitat de resultes de los cambeos vertixinosos a los que l’humanu somete al planeta. Esto namá nos fala de la enorme capacidá de resiliencia de la naturaleza, que tenemos de valorar cada vez más y ufiertar esfuerzos de caltenimientu y cuidu del mediu ambiente.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *