El Principáu celebra’l Día de la Llingua Materna (21 de febreru) con actividaes en Grandas de Salime, Piloña, Noreña y Cangas del Narcea: una esposición, teatru y actividaes infantiles pa reivindicar la importancia del asturianu y l’eonaviegu.
- Día Internacional de la Llingua Materna /Genially/
- Día de la Llingua Materna (pdf)
- https://actualidad.asturias.es
- Actividaes: Primaria /Secundaria/Docu y actividaes / Kahoot / Pallabres prestoses /Mapa interactivu toles llingües
El Día Internacional de la Llingua Materna celebra la diversidá llingüística como una pieza que fomenta la tolerancia y el respetu nes sociedaes. La reconocencia y respetu pola diversidá llingüística y cultural estraordinaria d’Asturies contribúi a fortalecer la unidá y la cohesión de la nuestra sociedá y esi valor foi ún de los argumentos que llevaron a la UNESCO a tomar el determín de celebrar esti día.
El multillingüismu contribúi al desenvolvimientu de sociedaes integradores qu’afalen la coesistencia y l’arriquecimientu mutuu de múltiples cultures, visiones del mundu y sistemes de conocencia. Esta efeméride pon de manifiestu que les llingües y el multillingüismu pueden fomentar la inclusión, talamente como dicen los Oxetivos de Desenvolvimientu Sostenible, enfotaos en que naide quede p’atrás.