El Certame de la Faba Asturiana IGP yá tien ganador. Son les fabes de La Barreda, que se cultiven n’Argüelles (Siero), y Celia Vallina, el so titular, recoyó ayeri en Grau, onde se celebra la cita, el premiu de manos del conseyeru de Mediu Rural, Marcelino Marcos. «Ye un pagu bien grande al esfuerzu que faemos tolos díes», señaló ayeri Vallina, que destacó’l fechu de tar dientro de la IGP Faba Asturiana ye «una garantía de la calidá qu’ufiertamos a la xente».
- Fonte: LNE /
- IGP FABA ASTURIANA
Celia Vallina ta en dellos mercaos davezu con Diego Dávila y comercialicen los sos fabes tanto envasaes como a granel. N’Argüelles (Siero) semen sobre diez hectárees de terrén. La collecha depués depende de munchos factores y anguaño, pol tiempu, nun foi bona, como destaquen tanto dende la IGP como los productores. Pero, aprosimao, de #cada hectárea pueden salir ente 1.600 y 1.700 quilos de fabes según un cálculu «sobro la marcha».