Islandia va construyir el primer túnel del mundu escontra una cámara de magma d’un volcán para aprovechar el so poder xeotérmicoprácticamente ilimitáu.
El proyectu Krafla Magma Testbed d’Islandia tien como oxetivu tresformar la enerxía anovable aprovechando la cámara de magma d’un volcán. Inspiráu n’obres como «Viaxe al Centru de la Tierra» de Julio Verne, Islandia entama un proyectu pioneru nel mundu.
- Fonte: Ecoinventos.com /
En 2026, el proyectu Krafla Magma Testbed (KMT) entama furar un volcán para aportar al so cámara de magma. L’oxetivu ye aprovechar los gases supercalientes del magma para xenerar enerxía xeotérmica a una escala nunca antes vista. Esti ambiciosu plan busca apurrir enerxía anovable ya ilimitada a los llares islandeses, ensin riesgu de provocar una erupción nel activu volcán Krafla.
Aprovechando’l calor terrestre. Islandia yá utiliza enerxía xeotérmica pa calecer siquier el 90% de los sos llares y xenerar el 70% de la so enerxía total. Sicasí, los métodos actuales apuerten a fontes xeotérmicas más fríes, lo que llinda la so eficiencia.
Al furar na cámara magmática, onde les temperatures algamen hasta 1.300°C, puede llograse agua n’estáu «supercrítico», que nun ye nin líquidu nin vapor. Esta técnica podría multiplicar por diez la potencia xenerada en comparanza coles plantes xeotérmicas convencionales.
