Publicado en Artículos, Asturies

Asturies, «el paraísu natural d’España» según el New York Times

El prestíu periódicu inclúi al Principáu na so serie de fotorreportajes «El mundu al traviés d’una lente» para destacar la guapura de los sos paisaxes de monte y mariña: «Ganóse’l so llamatu de paraísu natural»

Testu de Esther Rodríguez; Ver entrada en La Voz de Asturias…

«¿Precises un momentu d’escape? Vea l’amplitú de la guapura que ye Asturies, una rexón nel noroeste d’España, que cunta con una variedá de montes y una mariña na so mayoría virxe, y onde nunca ta llueñe d’un güertu llenu de verdures». Asina viende’l prestixosu periódicu New York Times a Asturies.

Nel reportaxe, publicáu na so nueva serie El mundu al traviés d’una lente, el periódicu estadounidense califica a Asturies como «el paraísu natural» d’España. Con esta sección, ayuden a tresportar al llector, virtualmente, a dalgunos de los llugares más formosos ya intrigantes del planeta. Nesta ocasión, quixeron amosar a los americanos la guapura d’Asturies.

El fotorreportaje, realizáu amás por una asturiana, la fotógrafa Mónica R. Goya, enseña al completu la esencia del Principáu. Una colección de fotografíes que dexa conocer a la perfección tolos rincones y rellabicos del oasis verde. Dende’l llendo en Somiedu hasta la ellaboración del quesu nos Picos d’Europa. Según el llogru de la sidra asturiano, que supon un 80% de la producción nacional.

Amás, Goya esplica les construcciones típiques de la rexón como pueden ser los teitos, los horros o los castros. Coles mesmes, destaca tamién la paleta de colores que pueden apreciase nel Principáu. Dende marrones nos montes hasta los azules de les sableres, incluyíos los verdes de los güertos llenos de vexetales.

Lo cierto ye qu’a la publicación nun-y falta nin el más mínimu detalle. La fotoperiodista asturiana fadióse en faer un percorríu local en fondura para amosar tal y cómo ye Asturies, una «tierra de contrastes». Para ello, acompaña les imaxes con información sobro costumes y tradiciones del Principáu, que, según recuerda, antaño foi potencia industrial y minera y agora ganóse el so llamatu de paraísu natural: un terciu del so territoriu ta güei protexíu ambientalmente».

La fotoperiodista, qu’esplica que lleva xuna década viviendo fora d’España, tornó apocayá mientres dellos meses y, según cuenta nel reportaxe del New York Times, «foi xuna oportunidá única pa redescubrir la mio tierra natal», esfrutar d’ella y cuntalo nel prestixosu diariu.

Autor:

Maestra de Llingua Asturiana Colexu Carmen Ruiz-Tilve - Uviéu