Alborecemoscol cielu cubiertu y fuerte vientu gallegu que templa l’ambiente con unes temperatures que tan alrodiu de los 11ºC, rexistrándose nel puirtu Payares 1,7ºC, anque ya entamen a descender de nuevu pol ocidente, rexistrándose nel puirtu Lleitariegos 0,6ºC, dempués d’una másima de 3,3ºC.
Güeia partir del mediudía rolará l’aire al calambrión, apurriéndonos xarabatos que vendrán acompangáos de truena ya xarazu nel llitoral durante la tarde, asina como un descensu de les temperatures que fadrá que baxe la cota de nieve de los 1500m a los 700-800m al finar el día. L’aire tamién sedrá protagonista con raches mui fuertes del oeste-noroeste en zones altes ya en puntos del llitoral onde mos dexará mui mala mar.
El prósimu riscar s’intensificarán entovía más les precipitaciones y xarabatos que vendrán acompangáos de truena ya xarazu pela costa con nevaes, copioses na cordelera, perriba de los 700-800m, estendiéndose esta situación durante tol día de mañana, amenorgando dalgo l’aire calambrión anque entovía con raches fuertes en zones altes ya en puntos del llitoral.
El miércoles desaparecerán les precipitaciones y abriranse dellos claros pela mañana con dalguna xelada nes zones favoretibles durante l’alborada. De tarde camudamos radicalmente de mases d’aire ya va afeutamos de llenu un chorru d’humedá dende l’océanu que mos apurrirá precipitaciones persistentes y abondoses con un ascensu moderáu de les temperatures asina como la cota de neive que rondará los 2000m al finar el día.
El xuevessedrá de nuevu un día pasáu por agua, con precipitaciones persistentes y abondoses ya temperatures suaves que dexarán la cota de nieve perriba de los 2000m. El vienrestará parecíu y la fin de selmana quedará’l tiempu dalgo más seliquino.
