Güei celebramos el día d´esti alimentu básico desque nacemos y que permanez al nuesu llau para siempres. Un alimentu con fuerte vinculación a la nuesa tierra y al que güei rindimos homenaxe y recordamos la so importancia.
El 1 de xunu celebra’l Día Mundial de la Lleche, una fecha proclamada pola Organización de les Naciones Xuníes para l’Agricultura y l’Alimentación (FAO), coles mires de tratar cuestiones rellacionaes col sector llecheru en tol mundu y para incentivar el consumu de lleche en tol mundu.
La lleche ye un alimentu bien nutritivo qu’apurre enerxía, proteínes y micronutrientes a quién la peracaben, y contribúi a amenorgar la fame y la desnutrición nel mundu. Dizse que ye unu de los alimentos más completos qu’esisten. Bastante ye que, ye’l primer alimentu que tomen los seres humanos al nacer.
Un vasu de lleche apurre aprosimao un 30% de la dosis diaria de calciu encamentada, elementu imprescindible para la formación y desenvolvimientu de los güesos. Amás, contien otros nutrientes necesarios para la vida como fósforu, magnesiu, cinc, yodu, seleniu y vitamines A, D y del complexu B. Tamién contien ácidos grasos, hidratos de carbonu, proteínes y agua.
Amás de lo más obviu, son múltiples los beneficios de consumir lleche y derivaos lácteos, como yogures y quesos.
Ayuda a conciliar el suañu. Siempres se dixo qu’un vasu de lleche caliente antes de chase diba bien pa relaxase.
Ye importante pa la hidratación, yá que contien gran cantidá d’agua.
Previen enfermedaes cróniques non trasmisibles como la diabetes, la hipertensión o trestornos cardiovasculares.
Ayuda a caltener los güesos fuertes y sanos, gracies al calciu y otros elementos.
Previen les afecciones dentarias y bucales.
Neutraliza l’acidez estomacal yá que ye un alimentu alcalino.
Promueve la crecedera de la flora bacteriana intestinal.
Encamiéntase l´ingesta de siquier trés porciones de lácteos o derivaos al día, siendo bien importante crear el vezu nos neños.
