- La Voz /
L’aire polar va traer un cambéu drásticu del tiempu a Asturies: vuelven el fríu y la nieve. Temporal de fríu n’Asturies. La cota va baxar hasta los 700 metros nes próximes xornaes, según Aemet.
A naide tendría de sosprende-y que faiga fríu y nieve en febreru, pero a tenor de los meses d’iviernu que llevamos anguaño, nun dexa de ser noticia. El tiempu primaveral de les última selmanes, con dellos díes nos que se superaron los 20 graos en munchos conceyos asturianos, va dexar pasu a la entrada d’aire polar, que va provocar un cambéu drásticu nel tiempu. Les máximes van baxar hasta diez graos en 48 hores en bona parte de la rexón y les precipitaciones, tamién en forma de nieve, van ser les protagonistes. Según l’Axencia Estatal de Meteoroloxía (Aemet), la cota va baxar hasta los 700 metros el vienres.
El portal Meteored señala que’l miércoles esperen los primeros cambeos. «El remexu polar va baxar de llatitú, va aumentar la *nubosidad d’oeste a este y, a finales del día, van empezar les precipitaciones na metá occidental de Galicia y nel Pirinéu aragonés». A partir d’ende, los díes cada vez van ser más fríos nel norte, tamién n’Asturies, y espérase que nieve’l vienres y el sábadu.
