Publicado en Curiosidaes, Robots

La hestoria de ‘Spot’ el perru robot

Nes últimes hores volvióse viral un vídeu que circuló pol WhatsApp de los lleoneses. Trátase de ‘Spot’, un perru robot que se dedicó a pasiar pola capital lleonesa al pie de una señora.

La hestoria de ‘Spot’ el perru robot de Boston Dynamics

Naide sabe por qué apaeció en Llión un perru robot. Llueñe d’atopar respuestes, los lleoneses fixeron viral el vídeu d’esti curiosu animal» robóticu onde se ve que pasia al pie de una señora pola plaza de Guzmán y entra na Avenida de Roma de la ciudá. Foi tou un acontecimientu, sobremanera pa los fanáticos de la ciencia ficción. Y ye que como podemos ver nel vídeu, los peatones quedáronse ablucaos.

Asina ye, SPOT ye un perru robot mariellu que tamién foi viralizado en plataformes como youtube, na cual vese abriendo puertes con un brazu robóticu nel so llombu, xubiendo escaleres, evitando torgues ya inclusive baillando’l cantar de Bruno Mars: Uptown funk.

El nome d’esti curiosu robot ye ‘Spot’ y trátase d’un perru robóticu de cuatro pates perteneciente a Boston Dynamics, capaz de realizar xeres de vixilancia, protección o tresporte d’oxetos. Cuenta con dos bateríes que duren 90 minutos y respectu al preciu, cuesta nin más nin menos que 63.000 euros.

El modelu d’esti perru robot ye’l Explorer. La empresa estadounidense cuenta con más modelos, como ye’l casu del Atles, que fai referencia a un robot humanoide de 1’83 metros d’altor capaz d’ayudar en xeres de busca y rescate; y el SandFlea, un robot bien pequenu que pesa 5 kg y ye capaz de saltar dende 9 metros d’altor. Recibe esti nome porque ta inspiráu nos insectos. Amás de Spot, los robots que salieron al mercáu son: Strecht y Pick, pensaos pa xeres d’almacén y loxística.

De siguío dexámosvos un vídeu de ‘Spot’ pasiando poles cais de Singapur:

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *