- InfoAsturies / gráficu /
Un analís ellaboráu pola Federación Asturiana d’Empresarios (FADE) a partir del Directoriu Central d’Empreses del Institutu Nacional d’Estadística (INE), onde tán escluyíes les actividaes agrariu y pesqueru, según los servicios domésticos.
En Asturies hai n’activu daqué más de 64.500 empreses, una cifra considerable, anque menguante. Tendríen De bastar pa crear empléu abondu; una rápida cuenta señala que, a 15 trabayadores per empresa, taríamos bien llueñe de carecer problemes de desempléu. La cuestión ye qu’el 99,9% del texíu empresarial asturianu ta formáu por pymes y nel 54’1% naide tien nómina, esto ye, trátase d’empresarios individuales y autónomos. Del 46% restante la práctica totalidá tienen ente una y nueve persones contratada. Solo menos del 4% presenta diez o más nómines y un escasu 0’1% devasa los 250 emplegaos.
Trés son les empreses qu’en Asturies contraten siquier 5.000 trabayadores, una d’elles, ArcelorMittal, en plenu procesu d’espediente de regulación d’empléu (ERE) pola automatización de los procesos fabriles que trai la transición industrial.
Esta ye una más de les munches consecuencies de les socesives reconversiones, qu’acabaron coles grandes empreses y sectores fuertes asturianos, xuníu a la poco realista política de promoción del emprendimiento, que lleva décades consintiendo la contratación de falsos autónomos -daos d’alta en munchos casos como microempresa- y animando a los asturianos a llanzase al mundu empresarial ensin nengún tipu de respaldu.
