Publicado en Curiosidaes, NATURA

Esti fósil revela cómo mexaben, defecaben y copulaben los dinosaurios

Per primer vegada, los científicos describieron con tou luxu de detalles, la cloaca cola que los dinosaurios faen tou: defecar, mexar, apariase y poner güevos.

Quién-y diba a dicir a un Psittacosaurus (del tamañu d’un perru) qu’aprosimao 120 millones d’años dempués, los científicos taríen mirando con detenimiento la so cloaca. Asina ye. Per primer vegada, un equipu d’investigadores de la Universidá de Bristol (Inglaterra) describió al detalle la cloaca d’un dinosauriu, el furacu qu’estes criatures utilizaben para faelo tou: defecar, mexar, apariase y poner güevos.

Magar la mayoría de los mamíferos puede cuntar con distintes abertures para estes funciones, ye común ente los animales vertebraos tener una cloaca. Y ye interesáu qu’a estes altures que yá sabemos tantu sobro la so apariencia, los sos cuernos, la so alimentación… nun sepamos nada sobro esta parte tan importante de la so anatomía.

Jakob Vinther de la Facultá de Ciencies de la Tierra de la Universidá de Bristol, xuntu colos sos colegues Robert Nicholls, un paleoartista, y Diane Kelly, esperta en penes de vertebraos y sistemes copulatorios de la Universidá de Massachusetts Amherst, describieron na revista Current Biology el primer conductu cloacal d’un pequenu dinosauriu del tamañu d’un llabrador llamáu Psittacosaurus, comparándolo coles cloaques de los animales vertebraos modernos que viven na Tierra.

 

Paleocreations.com 2020

Los espertos esaminaron un espécime abondo bien calteníu de Psittacosaurus que foi afayáu nel noroeste de China (y n’exhibición nel Muséu Senckenberg d’Hestoria Natural en Frankfurt, Alemaña) y que los sos restos de fai 120 millones d’años atoparonse en bien bon estáu, polo que foi oxetu de munchos estudios sobro plumes primitives y la coloración d’estos dinosaurios. Pero esta ye la primer vegada que la so apertura xenital pasa a un primer planu.

Afortunadamente, esta estructura de texíu blando sigue siendo visible nel fósil y apréciase como un área estriada negra debaxo de la cola. Según los científicos, nun hai abondes característiques sexualmente dimórficas nel dinosauriu non aviar p’aldovinar el so sexu, pero la estructura de la cloaca ye similar a la de los cocodrilos esistentes, lo que nos da xuna idea de la so función ya inclusive de cómo s’apariaben estes criatures.

La cloaca d’esti dinosauriu ye xuna abertura de 1,7 centímetros de llongura qu’utilizaría pa toes estes funciones. Los investigadores atoparon que los marxes esteriores d’esta zona taben altamente pigmentados con melanina, lo que suxure que tamién la usaben pa señales de visualización, pa llamar l’atención del otru sexu. Ello ye que los babuinos modernos y delles sacaveres utilicen táctiques d’apareamiento similares, al igual qu’un númberu llindáu d’aves, incluyíu’l pergolero motudu oriental.

Los espertos compararon la cloaca fosilizada coles cloaques modernes. El so espécime ye l’únicu fósil de dinosauriu non aviar conocíu que tien xuna cloaca caltenida, pero por cuenta de la forma en que ta asitiáu’l fósil, l’anatomía interna d’esta abertura nun se caltuvo; solo’l respiraderu esternu ye visible. Esto significa que resta muncha información que los científicos nun pudieron discernir.

Los autores especulen que los grandes lóbulos pigmentados a entrambos llaos de l’abertura podríen allugar glándules arumoses almizcladas, como podemos reparar nos cocodrilos de güei día.

“Como paleoartista, foi absolutamente estelante tener la oportunidá de reconstruyir una de les últimes característiques restantes de les que nun sabíamos nada nos dinosaurios. Saber que siquier dellos dinosaurios comuniquense ente sigo da-yos a los paleoartistas una llibertá emocionante pa especular sobro toa xuna variedá d’interacciones agora plausibles mientres el cortexu de los dinosaurios. ¡Ye un cambéu de xuegu!», diz Robert Nicholls.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *