Publicado en Poesía, Política Llingüística, Premios

Daniel García Granda, premiu “Fernán Corones” de poesía n’asturianu

 

 “Identifico col Padre Galu pela parte llingüística y docente”

L’escritor polesu Daniel García Granada foi escoyíu ganador del premiu de poesía “Fernán Coronas” qu’entama Sociedá Popular La Regalina de Cadavedo, en Valdés, pol so trabayu “Rosada 3.0 (monólogu interior con alumnos al fondu)”. La ventiavu séptima edición del galardón lliterariu dedicáu al Padre Galu apurre un premiu económicu de 900 euros.

Daniel García Granda suaña, vive y piensa n’asturianu. “Fáigolo asina too”, reconoz. Ye la so llingua materna, la que-y fixo echar raigaños para depués poder volar. Failo dende bien llueñe.

El profesor d’Inglés y escritor nació en Pola de Siero, coló d’Erasmus a un pueblecito d’Irlanda y depués quedóse ellí una temporada. De siguío, aterrizó n’Estaos Xuníos, nun barriu conflictivu, y colóse porque sentía que “nun podía facer nada por ellos”, y depués, tres delles andances, convertiose nun vecín más del barriu de Campillín.

Tornó a la so tierra y empezó a escribir nel idioma que sentía, que yera la so voz interior. Y lo último ye’l poemariu “Rosada 3.0. Monólogu interior con alumnos al fondu”, que ganó’l premiu “Fernán Corones” de poesía; el del Padre Galu, col que se siente identificáu tamién pol so llabor docente.

“La despoblación tamién tien que ver cola llingua.
A mi gústenme toes: el castellanu, l’asturianu y l’inglés.
Pero si dotamos a los neños d’ales, y non de raigaños,
depués nun van volver a la guo tierra”

El xuráu del Premiu Fernán-Coronas dio anuncia’l pasáu 7 d’agostu, na Casa Natal del Padre Galo en Cadavéu y coinciendo col aniversariu de la nacencia del autor, de la obra ganadora d’esta edición, titulada Rosada 3.0 (monólogu interior con alumnos de fondu), de Daniel García Granda, escritor de Mieres.

Susana Sela, Inaciu Galán, Carmen Guardado y Laura Marcos conformaron el xuráu d’esti añu, que reconoció como ganadora por mayoría la obra de García Granda ente les once presentaes. Del poemariu afirmen nel acta: «destaca’l mensaxe potente que xurde de la sociedá actual, especialmente del contactu cola mocedá, dirixéndose a ella fuxendo de la moralización y ensin descuidar el llinguaxe poéticu, con recursos notables na so fechura».

El Premiu Fernán-Coronas lleva en funcionamientu dende l’añu 1994 y tien ente los sos ganadores una bona amuesa de la lliteratura de los noventa y del nuevu sieglu, con voces como Taresa Lorences, Miguel Rojo, Susana Sela, Ánxel Álvarez Llano, Pablo Rodríguez Medina, Carmen Guardado, Inaciu Galán, Aida Escudero o Solinca Turbón, ente otros.

«Tamos formando*cosmopaletos y *esnobs llingüísticos»

Daniel García Granda (La Pola Siero, 1972) Llicenciáu en filoloxía inglesa pola Universidá d’Uviéu, trabaya como profesor d’educación secundaria. Ye poeta y tien espublizaos dellos llibros n’asturianu y castellán. Amás, ye articulista nel diariu El Comercio cola columna d’opinión Que te vengo a ver.

En poesía n’asturianu tien asoleyaos los poemarios Poemes del últimu salvaxe (2012) cola Editorial La Baragaña y prólogu de Nacho Vegas y El Remediu (2015) cola editorial Ruleta Rusa y prólogu de Sidoro Villa Costales, asina como El raitán y el sangrín, con Impronta.

En lliteratura infantil tien asoleyaos dos llibros cola Editorial Pintar-Pintar: «Versos d’Asturies (2017) y Amorina Motosierra (2018). Los dos llibros presenten doble versión n’asturianu y en cstellanu.

En poesía en castellán tien asoleyaos los siguientes títulos y premios: Definición de biografía(VII Certamen Internacional de poesía Ciudad de Lepe, 2005), Cómo desaparecer completamente(III Premiu Águila de poesía, 2007), «Que se corra la voz y, sobre todo, que se corra la voz» (X Certamen Internacional Ciudad de Lepe, 2008) y Un limón cae: itinerario de haikus y tankas (Ediciones del 4 de agosto, 2006)

La so poesía anda a metá camín ente lo contemplativo y lo irracional, el versu reflesivu y el sangrín.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *