Publicado en Artículos, NATURA

Naturaleza e infancia: l’espertar de la conciencia ecolóxica

Espertos en Psicoloxía Ambiental alderiquen sobro la esperiencia na naturaleza de neños y nuevos y la so relación cola formación de la conciencia ecolóxica mientres xunas xornaes entamaes pola Universidá Internacional Menéndez Pelayo (UIMP) en collaboración con Naturaliza. Louise Chawla, Enric Pol o Joe Hinds son dalgunos de los participantes que cavilguen sobro l’espertar medioambiental de los más pequenos.

«El contactu directu cola naturaleza ameyora los sentimientos d’implicación y la conexón emocional cola naturaleza»

Mieu, enfadu, murnia. Eses son les trés emociones qu’espresaron mediu centenar de neños y neñes de 11 años nun estudiu realizáu en Denver (Estaos Xuníos) cuando se-yos preguntó cómo se sentíen al oyer a los mayores falar sobro’l cambéu climáticu y los problemes ambientales, según les sos consecuencies. Naide tendría de tener mieu a qu’el so planeta suma, y muncho menos a una edá tan temprana. Mozos activistes como Activistes como Greta Thunberg nun dexaron de remarcar, porque la crisis climática nun ye culpa de los neños y, sicasí, son los que más la tán sufriendo. Una encuesta realizada poles Naciones Xuníes dexa claro: el 73% de los mozos del mundu asegura esperimentar yá dalgunu de los efectos del cambéu climáticu.

Partiendo d’esta premisa, la Universidá Internacional Menéndez Pelayo y Naturaliza, el proyectu d’Educación Ambiental de Ecoembes, acoyeron ente’l 16 y el 19 de payares a espertos y espertes en materia de Psicoloxía y Educación Ambiental pa falar sobre los procesos de la formación de la conciencia ecolóxica na infancia, lo mesmo que de los venceyos ente les esperiencies de contactu cola naturaleza. Estes xornaes, dirixíes por José Antonio Corraliza, catedráticu en Psicoloxía Ambiental de la Universidá Autónoma de Madrid, y Silvia Collada, profesora ya investigadora de la Universidá de Zaragoza, amás, afonden nel compromisu ambiental dende les etapes más tempranes y analicen l’efectu que la degradación ambiental a la qu’enfrentamos provoca sobre la salú y el bienestar infantil.

 

Autor:

Maestra de Llingua Asturiana Colexu Carmen Ruiz-Tilve - Uviéu