/
Estudien ampliar los servicios con un directoriu de profesionales del sector ganaderu. En tan solo dos años d’actividá, Vacapop consolidóse como la plataforma online de compra-vienta de ganáu con más ésitu d’Asturies. Más de 40.000 usuarios, 300 tratos nuevos al día y 121.000 negociaciones abiertes son les sos cifres d’ésitu.
Conocer el mediu rural onde viven y trabayen foi clave pa crear una plataforma que cubre les necesidaes de compradores y vendedores. Yá cunten con usuarios y transacciones fora d’Asturies y estudien agora ampliar los servicios con un directoriu de profesionales del sector ganaderu. Vender en Vacapop ye tan senciellu como crease una cuenta, fotografiar al animal y esperar a que lluevan les ufiertes.
