El llagu efímeru, que se forma cuando hai destempre y nun hai ñeve. Estos díes puede vese el terceru de los Llagos de Cuadonga, El Bricial
- Fonte noticia: El Fielato /
- El Bricial: wiki /Asturnatura / Llagos de Cuadonda mapa /
El Bricial ye’l más desconocíu de Los Llagos de Cuadonga, per un sitiu, porque non siempres ta y por otru porque para velo hai que caminar, non muncho, pero si un trechu.
Estos dies d’agua, nieve y destemple, formóse El Bricial, el terceru de los Llagos de Cuadonga, xuntu col Enol y Ercina. El Bricial podrá vese mientres unos díes y para ello basta siguir una senciella sienda dende’l llagu Ercina y en tan solo quince minutos llegase a esti tercer y desconocíu llagu. Si’l tiempu ta estenu puede siguise la ruta hasta la Vega d’Enol, completando asina’l percorríu para ver los trés llagos.
El destemple de los últimos díes dexa ver esta fin de selmana a’l terceru de los Llagos de Cuadonga, El Bricial, que se forma namá en contaes ocasiones pola mor del destemple.
Los Llagos de Cuadonga, nel conceyu de Cangues d’Onís, son la gran atracción turística de l’aguada asturiana del Parque Nacional de los Picos d’Europa.
Llagu Bricial en Picos d’Europa
El llagu Bricial, tamién conocíu polos paisanos como’l «tercer llagu de Cuadonga», ye un pequenu llagu temporal, que xunto colos llagos Enol y La Ercina, formen los denominaos Llagos de Cuadonga.
¿Cómo se forma’l llagu Bricial?
Na Vega de Bricial, ye onde naz esti llagu temporal. Ye alimentáu por una guapa cascada, y precisa l’agua de les agües y les nevaes para poder apaecer.
Son pocos los díes que tien agua la llaguna Bricial, en parte ye por cuenta de que no fondero del llagu hai «dolinas» o concos bastante fondos y que nun tienen nengún elementu impermeable en que frene la salida de l’agua.
Parte de la fauna que suel tar en La Ercina, aprovechen los díes nos que’l llagu Bricial tien agua, para venir a esta zona más sele y natural.
Para llegar al llagu Bricial, puedes utilizar dalgunu de los senderos utilizaos polos pastores de la zona, que tienen como puntu de partida les Vegues del llagu La Ercina o’l llagu Enol. A cuerpu, tárdase más o menos una hora en llegar.
Mientres el camín, vas poder esfrutar de la guapura qu’ufierten los montes de la redolada, ello ye qu’el mesmu llagu Bricial, atópase a los pies del picu Bricial y del Mosquital.
