La primer maravía ye esti horru d’estilo Villaviciosa talláu que ta consideráu unu de los meyores del sieglu XVI y, polo xeneral, d’Asturies. Asitiáu en La Llana, na parroquia piloñesa de Ques, ta talláu nos cuatro lliños, puerta, colondres y engüelgos.
- Fonte: Ramón Luis Vega /semeya horru
La fecha esacta de la so construcción non puede determinase, pero foi na primer metá del sieglu XVI. La calidá artesanal de la decoración tallada na madera ye tan destacada ya interesante que fai un par de décades foi unu de los horros escoyíos nun llistáu ellaboráu pola Alministración para ser declaráu Bien d’Interés Cultural (BIC), anque esa protección nun llegó a materializase.