Publicado en Alimentos

Pexes presentes nos ríos y llagos d´Asturies

Asturies cunta con una marcada tradición marinera, puesta de manifiestu polos impresionante paisaxes marineros que chisquen la mariña asturiana ente la Ría del Eo y la de Tinamayor. Los puertos pesqueros asturianos alluguen xuna flota de marcáu calter artesanal, que pesca y desembarca nes más de 18 rulas asturianes pescáu y mariscu con un tiempu ente la captura y la primer vienta inferior a les 24 hores. Trátase, por tanto, d’un pexe y mariscu d’escepcional calidá, que puede ser estremáu dende yá pol so distintivu “Pescáu de Rula con Artes Sanos” y el códigu de trazabilidad del mesmu.

Son más de 150 especies d’interés pesqueru les descargaes nes rulas asturianes prindaes con artes tradicionales de manera artesanal y respetuosa col mediu marín. El pexe prindáu por esta flota contribuyó al desenvolvimientu d’una singular gastronomía, reconocida pola calidá de los sos productos.

Ente les especies de mayor interés de la flota asturiana caben destacar les siguientes:
Pescáu azúl: Caballa, xurel (Chicharro), bonitu del norte, estornín, etc.
Pescáu blancu: TRape /Tosquile, barbada, chopa, sargo, cóngaru, merluza, salmonete, rei, botonas, san martiño, golondro, etc.
Mariscos y cefalópodos: Centollu, percebes, bugre/bogavante, bigaro, llampara, güe/buey, andarica (nécora), pulpu, calamar, sepia, etc.
Otros: algues.

Nun vas atopar tol pexe asturiano cola etiqueta individual “Pexe de Rula con Artes Sanos”, polo que ye bien importante consultes col to pescaderu/a d’enfotu la procedencia y tipu d’arte utilizáu pa la pescáu que nun tenga códigu de trazabilidad “Pexe de Rula con Artes Sanos”. Pa ello solicíta-y amuésete la etiqueta oficial, onde va apaecer el puertu de descarga, fecha de captura y arte de pesca, ente otros datos.

Distintivu pa estremar el pexe y mariscu procedente de pesca artesanal de la mariña asturiana. Productu procedente de la pesca del día‘, prindáu por embarcaciones artesanales de baxura y con artes de pesca sostenibles. Esixe siempres la etiqueta Pescáu de Rula‘ nel to establecimientu, ye la garantía de procedencia y calidá del to pexe.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *