Publicado en Alimentos

Mas de 27.000 quilos de pexe llegaron a El Musel nel barcu ‘Maria Digna Dos’

Lonja Xixón puyó esti llunes un total de 27.151 quilos del primer bonitu de la temporada que llega a El Musel, según la información facilitada a Europa Press pola Autoridá Portuaria de Xixón.

El primer bonitu vendióse a 15,39 euros el quilu, proveniente del barcu ‘Maria Digna Dos’ y a 11,80 euros el quilu’l del pesqueru Anduiza Anaiak. Pexes ‘Kiku’ (Tazones) foi quien se llevó la primera tina de dambos barcos.

En llínees xenerales, el grande vendióse a precios de 11 euros y 9,24, el medianu a 8,61 y 6,56 euros y el pequeñu a 5,86 y 4,82 euros. Los precios más altos correspuenden a la María Digna y los más baxos al Anduiza Anaiak, siendo la media de 9.29 euros el quilu.

Coles mesmes, señalóse que nun hubo apenes compres grandes, sinón que se vendieron tina a tina. Alimerka sí que mercó 30 tinas na primer puya (Maria Digna Dos).

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *