L’axedrez xigante toma la Plaza de la Catedral d’Uviéu: pieces de 1,80 metros y 220 quilos
Más de doscientos escolares de trenta colexos del conceyu participen nun tornéu con tableros y pieces xigantes feches con neumáticos reciclaos.
- Fonte: LNE Galería/
Aquellos qu’inda ponen en dulda que l’axedrez ye un deporte ye que nun se pasaron esti sábadu pola Plaza de la Catedral d’Uviéu. Más de doscientos neños de trenta colexos del conceyu xunen toles sos fuerces para mover les pieces de los tableros xigantes instalaos n’unu de los espacios más emblemáticos de la ciudá. Los pequeños axedrecistes remanen peonos, alfiles y reines de cauchu recicláu, neumáticos usaos reconvertíos en pieces de casi un metro d’altu y con pesos qu’esixen un esfuerzu que va muncho más allá del intelectual. Para da-y xaque al contrariu hai que sudar la gota gorda y xugar n’equipu. «Esto ye muncho más risonderu que xugar enriba d’una mesa. Para mover les fiches tenemos que coyeles ente dos o trés», esplica Chema Acebal, un neñu de les Dominiques que comparte equipu con otros compañeros de la so clase, como Elisa López o Diego Álvarez.
Anque l’eventu desenvolvuelvese en formatu competición, lo menos importante ye la llista de ganadores. «La finalidá de too esto ye que los neños compartan xuna esperiencia al campu nuna redolada tan guapa como ye la Plaza de la Catedral, que xueguen n’equipu y que tomen decisiones consensuaes», caltien Nicolás González, que ye’l director de la empresa que desenvuelve xuna iniciativa entamada pol Conceyu d’Uviéu. «La nuesa idea ye que la competición consolídese. Amás d’enseña-yos los infinitos valores que tien l’axedrez, tamién los concenciamos de la importancia que tien el reciclaxe», añede.
Otru de los alicientes de la cita ye que la final del tornéu, que se celebra esta tarde, van apostar nel «Megajedrez», el tableru más grande del mundu col que puede xugase una partida. Namá pa faese xuna idea de les sos dimensiones basta dicir que’l rei mide un metro ochenta y pesa 220 quilos. «Muévese con un sistema de ruedes, asina que pueden xugar persones de toles edaes», esplica Nicolás García.
Por que la competición Pequenos Xigantes» tea siendo un ésitu n’Uviéu tamién foi indispensable la collaboración de los integrantes del Club d’Axedrez Ciudad Naranco, xuna entidá que lleva más de 25 años dedicáu a la promoción del axedrez en tolos sos frentes y qu’imparte esta disciplina en munchos colexos del conceyu. «Esto ye xuna fiesta pa los neños y pa tol públicu que se pase a esfrutar de daqué que nun se ve tolos díes. Con iniciatives como esta da visibilidá al axedrez. Lo de menos ye quien gane, lo importante ye usar los valores del axedrez como ferramienta educativo», señala Alberto Llaneza, el director técnicu del club. Y vaiga si tien razón al dicir que na Plaza de la Catedral montóse xuna bona fiesta, porque nun faltó nin el DJ. «Ye raru xugar cola música tan alta, pero mola, concentrámonos igual», asegura Illán Castro, un neñu del colexo Parque Infantil.
♟️El Colexu San Ignacio d’Uviéu gana l’I Tornéu d’Axedrez Pequenos Xigantes en xugando la final contra’l Colexu Ecole
♟️El C.P. Veneranda Manzano y el CP La Ería Uviéu fueron los finalistes d’esta competición que rexuntó a cientos de persones na Plaza de la Catedral mientres esti sábadu ♟️La conceyala de Deportes, Concepción Méndez Suárez. , foi la encargada d’apurrir los premios a los ganadores
♟️¡Norabona a tolos participantes! ¡Sois unos Pequeños Xigantes!
