La Peña Cotiellos gana’l LX Concursu de Carroces de Valdesoto col so “Xaréu Rural”. “Picasso” y “Ocho apellíos asturianos” llogren el segundu y tercer puestu, respeutivamente.
- Fonte: El Fielato /
L’humor y la puesta n’escena de “Xaréu Rural”, ganadores
Un gallu que canta a les 6 de la mañana y al que nun se-y puede baxar el volume, una vaca de plásticu que pasa’l día mugiendo o les dificultaes para atopar el WiFi. Estos son los principales problemes a los que s’enfrentaron los miembros d’una familia urbana que foi pasar les sos vacaciones a Valdesoto. La trama, inspirada nes sos vivencies, sol títulu de “Xaréu Rural”, fixo que los integrantes de la Peña Cotiellos ganaren el LX Concursu de Carroces de Valdesoto y llevárense, amás de la reconocencia de públicu y xuráu, los 1.800 euros del premiu.
«Picasso» de la Peña El Llagarón merecedor del segundu premiu.
La Peña El Llagarón, col so espectacular xarré “Picasso”, lleváronse’l segundu premiu. Un percorríu pola vida del pintor español al traviés de siete escenes nes que cuntaron momentos relevantes de la so trayectoria personal y profesional.
«Ocho apellíos asturianos», de la Peña Les Escueles.
El tercer premiu recayó na parodia que fixeron los miembros de la Peña Les Escueles de la película “Ocho apellíos vascos”. Cola capiya de La Regalina como escenariu y personaxes valdesotinos como protagonistes consiguieron llevase los 400 euros de la tercer posición.
