Publicado en Sin categoría

El grafiti del gatu negru trunfa n’Europa

La revista “Street Art Cities” reconoz nel so númberu de xineru la pintura de “Xolaka” en Llugones como la meyor del continente. Fonte: LNE / Andrés Illescas

El grafiti del gatu negru de Llugones sigue collechando aponderamientos y reconocencies. Conquistó los corazones de los vecinos, traxo suerte a l’alministración de llotería propietaria de la paré que la decora –qu’al poco de rematase la obra dio un premiu importante– y, agora, foi estremáu nel númberu de xineru de la revista Street Art Cities como’l meyor d’Europa. Una distinción que celebra’l so ceador, Ángel Caballero, “Xolaka”, que’l so mensaxe “animalista” cuayó y motiva al conceyu a enllenar los sos núcleos urbanos de murales similares.

Esti galardón nun ye’l primeru que recibe una pintura urbana de Llugones. El primer mural que se fixo na localidá, al cargu de David Esteban, conocíu como “Da2.0”, na cai Antonio Machado, yá tuvo una gran acoyida ente la crítica internacional. Tamién a cuerpu de cai gusten estes obres d’arte. Reconocen los vecinos, que se paran con frecuencia a reparalos y a fotografiase al pie de elles. El gatu negru de “Xolaka” tamién hai cuidao que falar por otros motivos: pol fechu de que l’alministración de lloteríes pegada a la paré onde ta’l grafiti dio un gran premiu de la bonoloto apenes cinco díes dempués de que Caballero concluyera’l trabayu. “Da suerte”, empezaron a comentar los lugonenses.

L’artista «Xolaca», col alcalde de Siero, xuntu al grafiti

La iniciativa d’enllenar les principales ciudaes de Siero de murales surdió va unos meses. Ente otros, Pablo Suárez, vecín de Llugones y coordinador de Ciudadanos nel conceyu, propunxo que s’aprovecharen les fachaes de les redolaes urbanes pa faer grandes murales. “Sacar l’arte a la cai”, como comentaba Caballero n’acabando la obra.

Asina, nel mes de xunetu, David Esteban completó xuna enorme pintura de 150 metros, na cai Antonio Machado, na que puede vese al so fíu faciendo xuna tarabica con un tetrabrik y llanzándola al aire. La idea a treslladar cola obra yera, nesti casu, qu’esti tipu d’envase nun ye reciclable magar lo que se crea popularmente.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *