Publicado en Curiosidaes, NATURA

Conoz la ballena azul antártica, l’animal más grande del planeta

 

La ballena azul antártica (Balaenoptera musculus Entemedia) ye l’animal más grande del planeta. Llega a pesar hasta 180 tonelaes o l’equivalente a unos 33 elefantes y midir unos 29 metros de llargu.

El so corazón ye del tamañu d’un automóvil pequeñu y mientres la temporada principal d’alimentación puede consumir alredor de 3,600 kg. de krill per día.

Amás, ye l’animal más ruidosu de la Tierra, inclusive más ruidosu qu’un motor a reacción: los sos cantares algamen los 188 decibeles ente que’l ruiu d’un jet llega a los 140 decibeles.

El xiblíu de baxa frecuencia qu’emiten les ballenes puede escuchase a cientos de milles y probablemente ye utilizáu para atraer a otres ballenes azules.

La ballena azul (Balaenoptera musculus), tamién conocida como rorcual azul, ye una especie de cetáceu misticeto de la familia Balaenopteridae. El so tamañu mediu ye d’ente 24 y 27 metros de llargor y pesen ente 100 y 120 tonelaes,2​ anque hai rexistros d’exemplares de más de 30 m de llargor y 170 t de pesu, que lo converten nel mayor animal del planeta Tierra, non solo na actualidá sinón tamién el mayor del que se tenga rexistru na hestoria de la vida na Tierra.

La ballena azul antártica ta “en peligru críticu”

La población de ballenes azules n’Antártida amenorgóse drásticamente por cuenta de la caza comercial de ballenes qu’empezó nel sur del Océanu Atlánticu en 1904. A pesar de la protección llegal que teníen estos animales al traviés de la Comisión Ballenera Internacional na década de 1960, la caza illegal siguió hasta 1972.

En 1926 envalorábase qu’había unos 125,000 individuos, cifra que menguó a 3,000 en 2018, polo que se clasificó a la especie como “en peligru críticu” según la Llista Colorada de la UICN.

Un notable númberu de ballenes azules antártiques columbraes apocayá. Al tornar del so más recién espedición a la isla subantártica de Xeorxa del Sur, un equipu de científicos, dirixíu pol British Antarctic Survey (BAS), compartió delles bones noticies. Mientres la so espedición de 2020 llograron cuntar 55 ballenes azules antártiques, acontecimientu que consideren “ensin precedentes”. Les agües de Xeorxa del Sur siguen siendo un importante llugar d’alimentación mientres el branu.

La Dra. Jennifer Jackson, ecóloga de ballenes del BAS, comenta: “Dempués de trés años d’estudios, tamos encantaos de ver tantes ballenes visitando Xeorxa del Sur para alimentase de nuevu. Este ye un llugar onde tantu la caza de ballenes como la caza de foques lleven a cabu llargamente. Ta claro que la protección contra la caza de ballenes funcionó. Como exemplu, les ballenes gorrumbes agora pueden ser vistes en densidaes similares a les d’un sieglu tras, dómina cuando empezó la caza de ballenes en Xeorxa del Sur”.

¿Qué ta faciendo WWF?

Mientres munchos años WWF trabayó cola Comisión para’l Caltenimientu de los Recursos Vivos Marinos Antárticos (CCRVMA) para protexer los hábitats más críticos d’especies emblemátiques como ballenes, pingüinos, foques, aves marines y la so presa: el diminutu krill antárticu.

Nel océanu Antárticu o Meridional, la CCRVMA comprometióse a implementar una rede d’árees marines protexíes alredor de l’Antártida para protexer una diversidá de vida montesa afectada pol cambéu climáticu, incluyendo les árees onde les ballenes alimentense del pequeñu krill. WWF trabaya colos científicos para xenerar información importante qu’ayude a los gobiernos a protexer estes vitales árees d’alimentación.

“Les ballenes azules antártiques son los animales más grandes de la Tierra y una espectacular maravía para guardar na naturaleza. Son los verdaderos xigantes de l’Antártida. Sicasí tán en peligru críticu d’estinción, recuperándose bien amodo de los impactos de la caza de ballenes del sieglu XX. Agora trabayamos para protexer les importantes árees d’alimentación de les ballenes azules nel océanu Antárticu primero que sía demasiáu tarde. Esta investigación reafita qu’entá hai esperanza”, comenta Chris Johnson, líder mundial de la iniciativa para la protección de ballenes y tolines/delfines.

“Para salvar a les ballenes, precisamos caltener los nuesos océanos sanos. Tenemos d’evitar que plásticos como les bolses, envases, filo de pesca y redes lleguen al océanu; tenemos de dexar de ser una sociedá dependiente del plásticu», Chris Johnson/WWF.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *