- Fonte: Ver Asturies /
El pintor xixonés Evaristo Valle interesose pol mundu del antroxu y reflexolo nes sos pintures constituyendo unu de les temes más característiques. La temática apaeció llueu nes sos pintures y tuvo una llarga evolución onde pueden falase de cuatro etapes: 1) Primeres mazcaraes; 2) Mazcaraes de transición; 3) mazcaraes madures y plenes, y 4) Mazcaraes de posguerra.
Ye difícil atopar elementos etnográficos nesti tipu d’obres. Sicasí, puede vese la influencia del tiempu que vivió en Pola de Siero y en Noreña onde tuvo en contactu colos guirrios y los sidros.
Los guirros y sidros yeren comparses de moces qu’ente Navidá y el día de Reyes percorríen distintos pueblos faciendo representaciones y pidiendo l’aguilandu. Los sidros nun son esclusivos de la zona de Siero. Atopamoslos n’otros conceyos asturianos con característiques similares y recibiendo otros nomes como zamarrones o bardancos.
Anque hubiera mascaras n’otres zones d’Asturies les qu’influyeron en Valle fueron les de Siero. Sicasí, nenguna de les sos obres reflexa de forma íntegra los personaxes d’estes celebraciones. El pintor llindase a representar elementos individuales, sueltos y n’ocasiones elementos concretos o característiques xenerales de les mazcaraes ivernices.
Dientro de la obra llamada «Los guirritos» pueden reparase dos clases de vestimienta; los guirrios y la compuesta a base de pieles d’oveya blanca. Dambes indumentaries son mesmos tantu de la zona de Siero como d’otres zones asturianes. Como peculiaridá dientro de la producción de Valle puede señalase l’ausencia de figures que nun porten les llueques, caracerístiques principal de los sidros.
Dientro de les creaciones d’Evaristo Valle sobro l’antroxu puede destacase «Carnavalada en Cimadevilla» onde’l personaxe central lleva colgáu de la cintura dellos pexes. Les figures de manera común lleven un cucuruchu o capirote na cabeza, y n’otres ocasiones vistise con zaleas. Valle tamién pintó «Carnavalada de los osos» y «Carnavalada de los llobos», nesti casu nun quixo concretar ónde los viera. A lo llargo de toes les creaciones atopen los personaxes típicos como’l diañu, los «chabasqueiros» y «basoiros» nel Occidente, el ceniceru», el «cipriano, l’hojalatero», la vieya o la dama. El que más destaca siempres ye’l sidru qu’apurría movimientu y dinamismu a les pintures, xuna característica esencial de les sos pintures.
