Publicado en Sin categoría

¿Hubo viquingos en Cuideiru?

Seguro que caminasti dalguna qu’otra vegada poles cais del anfiteatru de Cuideiru, atopando nos balcones de les cases el típicu curadillo de los pescadores.

Seguro que tamién escuchasti dalguna palabra qu’escapaba a les tos conocencies y eso ye porque ye ente pequenu pueblu pesqueru hai un dialectu que, según munchos estudiosos, provien del legáu que dexaron na zona los viquingos, un pueblu nórdicu que s’asitió na mariña del occidente mientres el sieglu IX a XII, según los documentos medievales asturlleoneses.

La hestoria cunta que nel añu 844 una folada de viquingos llegó a Xixón y pocu dempués a Galicia, onde’l rei Ramiro I ganó-yos la partida. D’esto, naz la lleenda na que s’afirma que los normandos llegaron a Cuideiru, onde se quedaron y onde fixeron unu amiestu de les sos costumes coles locales. Ye por ye polo que dalgunos dicen que na villa pixueta les persones tienen traces similares a los escandinavos, amás de tener un númberu bastante alto de xente pelirroxo.

D’esto nun hai nengún restu arqueolóxicu que confirme esta lleenda, pero ye una hestoria qu’apaez enforma na hestoria del conceyu y, en relación cola xíriga pixueta, otros munchos filólogos nieguen que tea rellacionada cola presencia viquinga nes mariñes d’Asturies.

Sicasí, la cultura del conceyu de Cuideiru tien muncha riqueza, como por casu la tradición pesquera, los caízos o mismamente los vaqueiros d’alzada, asina que, si vas pol famosu anfiteatru, alcuérdate que la villa ye un llugar históricu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *