Publicado en Día de...

El 21 de xunu ye’l Día Mundial del Skate

El monopatinaxe, ​ skateboarding o coloquialmente llamáu patineta o a cencielles skate, ye un deporte que consiste en deslizase sobro un monopatín y al empar poder realizar diversos trucos, gran parte d’ellos alzando la tabla del suelu, faciendo reblincaes con ella nel aire.​ Esti añu’l Skate va tar per primer vez nos Xuegos Olímpicos de Tokio.

Para abreviar desígnase-y a cencielles kate, que ye tamién el términu utilizáu para nomar el monopatín o patineta, tabla sobro la que se practica’l monopatinaxe. Ta rellacionáu col surf, la cultura caleyera, col arte urbano, pero munchos monopatinadores apenes patinen en cais o places. Son los «rampers», quien solo patinen en ramples. Ello ye que en bastantes competiciones esisten dos categoríes más estendíes: street y vert (rampla); porque un individuu puede deslizase poles pendientes d’un skatepark. Wiki

/

El que taba consideráu como una práctica caleyera y underground, gracies al sofitu de patrocinadores y l’aceptación por cada vez más públicu que lo practica, convirtióse nun deporte popular.

Apurre beneficios tantu a nivel físicu como a nivel mental. Porque anque antes pensábase qu’esta actividá yera más propia d’adolescentes, agora cada vez más ta ganando fans que tán cansaos de los deportes tradicionales y quieren un cambéu.

Trabayu de cuerpu y mente:  Esta actividá física que n’apariencia paez nimia, ye capaz de faenos quemar hasta 600 caloríes si la practicamos mientres una hora. El tren inferior ye lo que más trabaya, eso ye induldable, pero’l tren inferior tamién entra n’acción, principalmente la zona de les lumbares.

Mentalmente puede faer enforma por ti, amás de prestate. Cola práctica constante de skate vas ganar coordinación y vas exercitar la mente. Consiguir trucos y perfeccionalos riquen de concentración. Y cuando consigas completalos, vas sentite col ánimu peles nubes.

El próximu debú del skateboarding nos xuegos olímpicos sosprendió munchos. El skateboarding convirtióse nun nuevu deporte olímpico. ¿Qué ye’l skateboarding? Ye l’habilidá d’apoderar un skate y faer trucos con ella. El skate ta fechu por una tabla de madera con exes, rodamientos y ruedes.

A los deportistes que practiquen la disciplina llámase-yos skaters o riders. Estos nuevos atletes olímpicos van ser supervisaos pola World Skateboarding Federation.

En Tokio 2020 el skateboarding va presentase en dos modalidaes: street y park. Na modalidá de street recréense les cais y los elementos qu’esisten nella como bancos, pasamanes y barandielles. Dellos trucos que pueden realizase nesta modalidá son grinds, slides, ollies, ente otros. Na modalidá park los skaters realicen trucos en ramples. Puntuación:  Nesta disciplina los xueces evalúen les actuaciones de los deportistes nuna escala del 0 al 100. Los puntos a valorar son el grau de dificultá, l’altor de los saltos, la velocidá, la orixinalidá y la llimpieza en cada figura o trucu que realiza. Amás el puntu clave tamién ye baxar con estilu y elegancia.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *