Publicado en NATURA, TIEMPU

Solsticiu d´iviernu n´España

El solsticiu d’iviernu 2020 va tener llugar el próximu 21 d’avientu y con él, dicimos adiós a la seronda para dar la bienvenida a los meses más fríos del añu hasta’l cambéu a la estación primaveral. Mitos del solsticiu d´iviernu.

 

 

Dicimos adiós a la seronda. El próximu 21 d’avientu va tener llugar el solsticiu d’iviernu 2020 n’España, que va dar la bienvenida a los meses más fríos del añu. Nesi momentu, el Polu Sur de la Tierra va tar inclináu escontra’l Sol, algamando la so posición más austral nel cielu y dando la bienvenida al primer día d’iviernu nel hemisferiu norte y el primer día de branu nel hemisferiu sur.

D’alcuerdu al Observatoriu Astronómicu Nacional, la llegada oficial del iviernu va producise a les 11:02 hora española, enllargando la última estación del añu hasta’l 20 de marzu de 2021, cuando llegue l’equinocciu de primavera.

Qué ye’l solsticiu d’iviernu: Tradicionalmente, contemplábense cuatro feches distintes nel calendariu que marcaben el fin de la seronda. Yeren les entendíes ente’l 20 y el 23 d’avientu, anque anguaño suelse concentrar ente’l 20 y el 22 del mesmu mes.

Trátase del día más curtiu y la nueche más llarga del añu, un fenómenu que s’esplica pol allugamientu de la Tierra respecto al Sol.

Nel día del solsticiu d’iviernu, la exa (eje) del hemisferiu norte del nuesu planeta ta más alloñáu de la gran estrella, lo que provoca un desequilibriu ente les hores del día y la nueche, siendo ésta la más llarga del añu n’España.

Cuándo ye’l solsticiu d’iviernu n’España: Cumpliendo con tolos pronósticos, el 21 d’avientu de 2020 ye la fecha fita nel calendariu pa la entrada oficial del iviernu. Y la hora, les 11:02 h (horariu peninsular).

El día coincide prácticamente en tolos países del mundu, pero non l’horariu del cambéu estacional, yá que puede variar n’hores o minutos dependiendo del territoriu.

Añalmente, el solsticiu d’iviernu tamién sufre variaciones por cuenta de que’l periodu orbital de la Tierra ye inesactu. Concretamente, el nuesu planeta tarda 365,2425 díes en dar la vuelta al Sol, permediándose cada cuatro años col añu bisiestu.

Diferencia ente solsticiu y equinocciu: ¿Ye lo mesmo un solsticiu qu’un equinocciu? Ye probable qu’esta entruga xenere duldes ente les persones. De siguío, dámoste la respuesta.

  • L’entamu de caúna de les estaciones del añu vien marcáu pola posición de la Tierra respecto al Sol. L’equinocciu produzse cuando la gran estrella ta nel so puntu más cercanu a la llínea del ecuador, marcando l’entamu de la primavera y de la seronda.
  • Pela contra, el solsticiu dase cuando’l Sol allóñase más al respective de la Tierra, recibiendo xuna mayor cantidá de lluz n’unu de los hemisferios. Asina, dase la bienvenida a les estaciones de branu ya iviernu.
  • Siendo ésta la principal diferencia ente solsticiu y equinocciu, contémplense tamién otros intereses qu’estremen dambos términos, como la duración del día y la nueche.
  • Mientres l’equinocciu, dambes partes del día duren lo mesmo, ente que’l solsticiu marca’l día más llargu, cola llegada del branu, y el más curtiu del añu, col iviernu.
  • Les feches que correspuenden a los cuatro cambeos d’estación añal n’España son ente’l 19 y el 21 de marzu pal equinocciu de primavera; del 20 al 22 de xunu pal solsticiu de branu; ente’l 21 y el 24 de setiembre pal equinocciu de seronda; y del 20 al 22 d’avientu pal solsticiu d’iviernu, el próximu nel nuesu calendariu.

 

Autor:

Maestra de Llingua Asturiana Colexu Carmen Ruiz-Tilve - Uviéu