Publicado en RTPA

TPA estrena esta Selmana Santa’l programa infantil

De Xueves a Domingu, a les 9:45 hores

TPA va estrenar el xueves 1 d’abril l’espaciu infantil ‘Animalada Xabaz’, que se va emitir toles mañanes de la Selmana Santa. El programa va tener ocho capítulos y l’asturianu y el gallego-asturianu como llingües vehiculares.

‘Animalada Xabaz’ ye una idea del actor Carlos Alba ‘Cellero’ y ta producida por Covenant Audiovisuales dientro de la convocatoria de la Conseyería de Cultura para promocionar l’asturianu y el gallego-asturianu en RTPA.

Nel espaciu, la cabra Telva, el xabalín Xuacu y l’osa Sabela van ver a Cellero y la so fía Fefa para escuchar cuentos. Per otru llau, Enol quier aprender asturianu y el Pola y el Gallu empiecen col rock. Anque delles vegaes el trasgu Nalón tracamundia tolos planes.

Asina, l’espaciu suma la divulgación, los moñecos, la música y los cuentacuentos para entretener a la infancia al empar que se promociona’l patrimoniu llingüísticu asturianu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *