Emociona saber que la primer amuesa conocida d’un sistema d’escritura pueda tar n’una cueva del Paleolíticu cimeru n’Asturies.
Apúrrenos la nuesa primer llectura específica de la comunicación europea del Paleolíticu Cimeru, la primer escritura conocida na hestoria del Homo sapiens.
- Fonte: Cambrigdge / La Voz de Asturias / Visto nel Facebook de B. M.
La Cueva d’El Pindal, en Ribedeva, ta alcontrada na desaguada del Ríu Cares, Deva, nel estremu oriental d’Asturies, nun sector de la rasa costera conocíu como Cabo Santu Medero. Trátase d’una llarga galería d’ancha boca que s’abre a pocos metros del cantil nun paisaxe de singular guapura.
Cuenta con una única entrada sobro’l mar, apoderando la llínea de mariña, y xuna galería llonxitudinal d’unos 600 metros de la que namá se visiten los primeres 300. Distribuyíu en cinco zones, el conxuntu magdaleniense alluga representaciones zoomorfes como cérvidos, caballos, bisontes, y destaquen un pexe y un mamut. El Pindal sería realizáu en distintos momentos magdalenienses, y probablemente más antiguos, a lo llargo d’un tiempu ampliu entre fai 18.000 y 13.000 años.
“En siquier 400 cueves europees, como Lascaux, Chauvet y Altamira, grupos de Homo sapiens del Paleolíticu Cimeru dibuxaron, pintaron y grabaron signos non figurativos a partir ~de 42.000 BP ya imaxes figuratives (sobremanera animales) a partir ~de 37.000 BP. Desque s’afayaron fai unos 150 años, los investigadores nun pudieron determinar la finalidá o’l significáu de los signos non figurativos del Paleolíticu Cimeru européu. A pesar d’ello, los especialistes suponen que de dalguna manera yeren notacionales. Utilizando una base de datos d’imaxes que tomen el Paleolíticu Cimeru européu, suxurimos cómo funcionaben como unidaes de comunicación tres de los signos más frecuentes: la llínea <|>, el puntu <-> y el <Y>.
Demostremos que cuando s’atopen n’estrecha asociación con imaxes d’animales, la llínea <|> y el puntu <-> constitúin númberos que denoten meses, y formen partes constituyentes d’un calendariu fenológico/meteorolóxicu local qu’empieza en primavera y rexistra el tiempu dende esti puntu en meses llunares. Tamién demostremos que’l signu <Y>, unu de los más frecuentes nel arte paleolítico non figurativu, tien el significáu de «dar a lluz».
La posición de la <Y> dientro d’una secuencia de marques denota el mes del partu, una representación ordinal del númberu en contraste cola representación cardinal utilizada nos recuentos. Los nuesos datos indiquen que’l propósitu d’esti sistema d’acomuñar animales con información calendárica yera rexistrar y tresmitir información estacional sobro’l comportamientu de taxones de preses específicos nes rexones xeográfiques d’interés.
Suxurimos xuna forma específica na que l’axugamientu de númberos con suxetos animales constituyía xuna unidá completa de significáu -un sistema notacional combináu col so suxetu- que nos apurre xuna visión específica de lo que significa un conxuntu de marques notacionales.
Apúrrenos la nuesa primer llectura específica de la comunicación europea del Paleolíticu Cimeru, la primer escritura conocida na hestoria del Homo sapiens.
que toma como referencia varias pinturas,
entre ellas la de Pindal, propone un giro polémico .