Afayen una cadena montascosa submarina nunca antes vista con 20,000 montes pimpanos.
- Montes submarinos Kelvin: semeyes /
- Fonte: NGespañol / Andrea Fischer
- INSTITUCIÓN OCEANOGRAFICA WOODS HOLE/ Facebook /
Con alredor de 20,000 montes submarinos, el nuevu sistema xeolóxicu atopáu per debaxo del mar podría ser un oasis pa cientos d’especies.
Más de 24 mil 600 nuevos montes submarinos fueron cartografiaos per primer vegada por un equipu de xeólogos del Scripps Institution of Oceanography. Nunca antes tuviérase noticia d’esta formación xeolóxica, que dobla’l númberu de picos elevaos qu’esisten na Tierra.
Pa llogralo, l’equipu de la Universidá de California (con see en San Diego) valiose d’una colección d’imaxes satelitales. Con ello, la investigación reveló l’allugamientu esactu y cantidá de montes submarinos, que permanecieren ocultes de la mirada de la ciencia por sieglos. Esto ye lo que sabemos.
«Según les montes álcense sobre la superficie de la Tierra, los montes submarinos tamién s’alcen sobre’l fondu del océanu«, esplica Science News. Los investigadores de Scripps nunca dieren con esti sistema de montes submarinos de nun ser poles imaxes satelitales. Pol valumbu del afayu, nomaronlos montes submarinos Kelvin.
Los investigadores dieron con esti sistema xeolóxicu desconocíu a partir de les midíes satelitales del altor de la superficie del mar. El trabayu basose en bárabos «causaos pola influencia gravitacional d’un monte submarín«, según esplicase nel estudiu.
Una y bones la roca ye un pocu más trupa que l’agua,»la presencia d’un monte submarín camuda llixeramente’l campu gravitatorio de la Tierra nesi llugar». Foi asina que llograron delinear un censu de montes perdíos.
A partir d’esti afayu, los investigadores piensen qu’esiste una especie de ‘oasis’ pa la vida submarina nesta redolada natural. Especialmente, porque ta cuayáu de puntos calientes —formaos pola actividá volcánica local—que favorecen la proliferación de la biodiversidá marina.
Sobre cómo beneficien estes redolaes a la vida marina, los autores del estudiu destaquen estes cualidaes:
- Promueve una gran cantidá de hábitats
- Dexa l’afloramientu d’agua rico en nutrientes
- Distribúi compuestos beneficiosos (como nitratos y fosfatos)
Los detalles finales pal mapa d’estos montes submarinos llogrose con un sonar montáu nun barcu. Esto reveló cómo’l monte submarín Kelvin, frente a la mariña de Massachusetts, álzase dende’l llechu marín (el púrpura y l’azul indiquen una elevación baxa, ente que’l colloráu indica una elevación alta, como s’amuesa na imaxe destacái d’esti artículu). Hasta agora, dicen los especialistes, namá’l 20 % de los suelos oceánicos fueron cartografiaos d’esta manera.
