Esti día, a los 93 años d’edá, morrió  l’escritor de lliteratura infantil Juan Muñoz Martín. 

Profesor de Lliteratura, fue l’autor de dos series guapísimes de llibros pa neños y neñes naquel tiempu en qu’entovía nun mandaba lo «politicamente correuto». Con un llinguax cenciellu y desenfadáu, dio a lluz al personaxe de Fray Perico, un fraile, gordín y torpe, que vive nun conventu franciscanu en plenu sieglu XIX. Cola ayuda del so burru («Fray Perico y su borrico») y la so bonhomía, aporta una rabasera d’aire fresco a la vida monacal y nun dexa de metese n’aventures na Guerra de la Independencia y hasta col propiu personaxe de don Quixote.

La otra serie de gran ésitu fue la historia del famosu «Pirata Garrapata», un pirata modelu, cola so pata de palo, güeyu de vidru y cara de malu, pero que pesie al so feroz aspeutu, ye un paisanu bonachón y simpáticu. A lo llargo de más de quince histories navega nel so barcu «Salmonete» lluchando por rescatar a la so amada Floripondia de los malos.

Por más de tres décades, Juan Muñoz Martín fizo les delicies de varies xeneraciones de neños y neñes y tamién ganar a la editorial «El varco de vapor» unos bonos réditos.

Que la tierra-y seya suavina al reconocíu autor. VGO

Juan Muñoz Martín (Madrid, 13 de mayu de 1929-Madrid, 27 de febreru de 2023)  foi un escritor español de lliteratura infantil y xuvenil conocíu por haber creáu los personaxes de Frai Pericu y El pirata Garrapata.

Nacíu en Madrid, estudió Filoloxía Francesa y exerció como profesor de bachilleratu.

Débe-y la so fama al so ésitu como autor de lliteratura infantil. De la so obra, destaca la serie protagonizaes por Frai Pericu (9 llibros publicaos ente 1980 y 2005), por que la so primer obra, Frai Pericu y el so burricu, llogró en 1979 l’II «Premiu El Barcu de Vapor», y la protagonizada por El pirata Garrapata (17 llibros publicaos ente 1982 y 2021), un incansable viaxeru por tol mundu. De la primer serie vendiéronse más d’un millón d’exemplares y del segundu mediu millón.