El 12 de febreru de 1888 nacía en Madrid Clara Campoamor Rodríguez, fía de Pilar y Manuel, defensora de los derechos de les muyeres y principal responsable del sufraxu femenín n’España llográu en 1931 y exercíu per primer vegada nes elecciones de 1933.
Procedente d’una familia modesta, estudió la carrera de derechu coles mesmes que trabayaba y llicencióse na Universidá de Madrid en 1924. De la que exercía la so actividá como abogada, les sos moliciones polítiques lleváronlu a fundar una Asociación Femenina Universitaria. Clara Campoamor llogró un escañu de diputada per Madrid en 1931. Por causa de la Guerra Civil tuvo que fuxir d’España y morrió esiliada en Suiza.
