Publicado en Curiosidaes, Uviéu

El «Carbayón» empezó a baltase un día como güei, 2 d’ochobre

/

El Carbayón empezó a baltase un día como güei, 2 d’ochobre, del añu 1879 dempués d’una gran discutiniu na ciudá, que llegó hasta’l plenu municipal.

La razón qu’el 13 de setiembre de 1879 dio’l xardineru municipal para baltar l’árbol ye que taba enfermu, anque en verdá la ciudá taba creciendo, la estación de tren llegó y yera necesaria la construcción d’una cai que xuniera les locomotores cola ciudá intramuros. Asina nació la cai Uría, col árbol nel so trayectu. Cuntaba’l rector de la Universidá d’Uviéu Fermín Canella que «el xiblíu de la locomotora anunciaba la so cayida».

Hubo polémica y unu discutiniu ente los conceyales pol valtamientu que foi aprobáu por 14 votos contra 9. L’árbol tenía xuna altor de 30 m y un círculu de copa de 38 m; el tueru algamaba los dolce metros de circunferencia. Según los entendíos tendría unos cinco sieglos. Munchos vecinos recoyeron cachos de madera pa guardar como reliquies y en munches cases colgáronse grabaos y fotografíes cola so imaxe.

El Conceyu sacó a puya’l valtamientu del árbol y foi otorgáu pol montante de 192 pesetes.  Trés díes depués del so balta saldría a la cai’l diariu «El Carbayón», que s’editó hasta 1936. Setenta años más tarde del so balta, en marzu de 1949, el conceyu decidió asitiar una placa conmemorativa nel llugar nel que tantos sieglos asitiárase’l míticu árbol. «Equí tuvo mientres sieglos el Carbayón, árbol simbólicu de la ciudá, baltáu l’II d’ochobre de MDCCCLXXIX. La Corporación municipal alcordó’l XXIV de marzu de MCMXLIX l’allugamientu d’esta placa que perpetúe la so memoria», reza la placa.

Aquí estuvo el Carbayón,

seiscientos años con vida

y cayó sin compasión

bajo el hacha fratricida

de nuestra corporación.

Este pasquín respetad,

si sois buenos ovetenses,

y en su memoria llorad

todos los aquí presentes

por el que honró a la ciudad.

El 11 de febreru 1950 llantóse un nuevu carbayu procedente de Monte Redondo na plaza anterior del Teatru Campoamor, al que se-y llamó «el Carbayín».


Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *