En «Les fiestes de los antiguos celtes» (Jean Markale) y «Delles notes sobre un calendariu antigu n’Asturies» (Fundación Belenos), dambos artículos asoleyaos nel númberu 2 de la revista «Asturies, memoria encesa d’un país».
IMBOLC: Fiesta de La Candelera, que marca la metada d’iviernu, bendicíen les candeles que dempués guardabénse nes cases. Puntu mediu ente’l solsticiu d’iviernu y l’equinocciu de primavera.
«El día de les Candeles entemedien les ceberes / si tienes comu tiníes / comerás como dicíes».
«Pola Candelera mirarás la to panera / la del maíz y la de la herba / si tienes comu comisti / bien salisti»
Imbolc ye unu de los cuatro principales festivales del calendariu celta, acomuñáu col ritual de la Fertilidá, tamién como’l día de Santa Brígida o Brigid o la Fiesta de la Candelaria, y en tiempos más recién foi celebráu como’l festival del fueu, unu de los ocho díes festivos (cuatro solares y cuatro llunares) o Sabats de la rueda del añu neopagano.
N’Escocia’l festival ye tamién conocíu como Latha Fhèill Brìghde, n’Irlanda como Lá Fhéile Bríde y en Gales como Gwyl Ffraed.
L’Imbolc acomúñase convencionalmente col 1 de febreru anque’l festival celta empieza’l 31 de xineru. En tiempos recién la ocasión foi xeneralmente celebrada polos paganos modernos el 1 o’l 2 de febreru. Dellos neopaganos rellacionen esta celebración col puntu mediu ente’l solsticiu d’iviernu y l’equinocciu de primavera qu’anguaño se celebra’l 4 y el 5 de febreru.
- Imbolc: wiki /
