El 29 d’abril celebra’l Día Internacional de la Danza, una xornada para recordar que l’arte de la danza trespasa barreres culturales, polítiques y étniques. Un día para celebrar la danza y la so diversidá.
Esti día foi establecíu pola Unesco, afalada pol comité Internacional de la Danza. Escoyóse’l 29 d’abril para conmemorar el cumpleaños de Juan-Georges Noverre, un baillarín y coreógrafu que llegó a trabayar pa reis y a día de güei ye consideráu’l ceador del ballet modernu.
El Día de la Danza establezse col oxetivu rindir homenaxe a la danza y celebrar que l’arte ye un llinguaxe universal y non discriminatoriu, capaz de cruciar fronteres polítiques, culturales y/o étiques. Otru de los sos oxetivos ye fomentar la participación y l’educación de la danza por aciu la realización d’eventos per tol mundu celebraos nesta fecha y concenciar de la importancia del arte y la cultura de la danza. Amás, sirve para llamar l’atención y axuntar a toes aquelles persones qu’escoyeron la danza como mediu d’espresión, pa xenerar nuevos venceyos amistá ente amantes de la danza y reivindicar qu’esisten distintes formes de danza y toes elles tienen de ser consideraes como arte.