«Les tecnoloxíes dixitales van ser clave para l’ésitu na llucha contra la COVID19, pero la esclusión de les muyeres de la industria tecnolóxico afonda les desigualdaes y la fienda dixital de xéneru» – António Guterres, secretariu xeneral de l´ONU.
El Día Internacional de les Neñes nes Tecnoloxíes de la información y comunicación (TIC) celébrase´l cuartu xueves del mes d´abril, dende’l 2010 y tien como oxetivu promover l´empoderamiento de les muyeres al traviés de la tecnoloxía y aumentar la so presencia nesti sector, non solo como consumidores sinón tamién como creadores.
Foi nel añu 2010 cuando los países miembros d’Unión Internacional de Telecomunicaciones (UIT), organismu adscritu a l´ONU, decidieron crear esta efeméride, productu de la enorme fienda dixital de xéneru que s’hai evidenciado a lo llargo de los años.
Nos últimos años, menguó’l númberu de muyeres que deciden estudiar y dedicase a la informática y les tecnoloxíes. Y esto, nun mundu tan dixitalizado como nel que vivimos, nun dexa de ser estrañu.
Según datos del Foru Económicu Mundial solo’l 6% de los CEO de la industria tecnolóxico son muyeres. Amás, elles suelen ganar aprosimao 20% menos de salariu en comparanza a los sos colegues masculinos qu’ocupen un cargu similar.
Los espertos detectaron trés causes fundamentales poles qu’hai tan poques muyeres nel mundu de la tecnoloxía, estes son:
- La falsa creencia de que les neñes y muyeres nun cunten cola habilidá necesaria: Esta afirmación ye la resultancia d’una mala percepción de la realidá, yá que, si dáse-yos la posibilidá, dende pequeñes, les neñes tienen les mesmes capacidaes y habilidaes que los neños nel ámbitu de les ciencies y les tecnoloxíes. Ye más, anguaño sábese que les muyeres son meyores para desenvolver la esperiencia del usuariu (UX) en cuanto al diseñu y disposición de los elementos en cualquier plataforma tecnolóxica . Si dáse-yos la posibilidá, dende pequeñes, les neñes tienen les mesmes capacidaes que los neños nel ámbitu científicu.
- La percepción de que les muyeres son meyores tocantes a habilidaes sociales y peores en tecnoloxía: Anque ye ciertu que la muyer tien más habilidaes sociales que los homes polo xeneral, ser social nun implica escarecer d’habilidaes tecnolóxiques y nun mundu onde lo social paez imperar, cuntar cola visión femenina pue ser una enorme ventaya. A lo menos eso demuestra la rede social Pinterest, que les sos usuaries son, en más d’un 80%, muyeres. Ser social nun implica escarecer d’habilidaes tecnolóxiques.
- Desventaxes educatives: Tamién persiste una problemática bien enquistada nos países económicamente ablayaos o nos sectores sociales menos favorecíos, nos que se-y brinda la oportunidá d’estudiar al varón sobro la muyer.
