Publicado en Oficios tradicionales

L’únicu ferreiru de Quirós

Marco Viejo bebió del saber de grandes ferreiros. Ver noticia RTPA y videu

Marco Viejo, a los sos 41 años, ye l’únicu ferreiru del conceyu de Quirós. Un oficiu al que naide se dedicaba de manera profesional dende va munchos años, y qu’él recuperó.

Ufierta servicios de forxa artística, ferrería clásica y cuchiellería artesanal y encargos mui especializaos de cuchiellos o hachos.

Marco Viejo deprendió cuasi de forma autodidacta a ser ferreiru. Un oficiu tradicional que siempres-y prestó pero al que nun dio’l saltu de manera profesional hasta que la necesidá lu obligó. Entamó nun pequeñu taller en Las Agüeras y, va tres años, treslladóse a una nave del polígonu empresarial de Bárzana.

Nel so deprendizaxe, bebió del saber de grandes ferreiros, sobre manera del maestru Frich, encargáu de la ferrería de Mazonovo, en Santalla d’Ozcos.

Los sos raigaños familiares tán nel pueblu quirosán de Tene, lo que lu fai tar más arguyosu del so llabor. Arguyu qu’amuesa tamién por apostar por vivir nel conceyu, lloñe, diz, de les grandes ciudaes.

Autor:

Maestra de Llingua Asturiana Colexu Carmen Ruiz-Tilve - Uviéu