- Fonte: CNN /
Esta imaxe d’un osu polar dormiendo sobro un iceberg gana’l principal premiu de fotografía de vida selvaxe ‘The People’s Choice Awards’ . Un osu polar fai xuna cama nun pequenu iceberg antes de quedase dormíu nel estremu norte, frente al archipiélagu noruegu de Svalbard. Semeya
(Creitu: Nima Sarikhani/Wildlife Photographer of the Year)
La imaxe d’un osu polar dormiendo enferronáu a un iceberg apoderose de los corazones de los votantes y ganó el premiu del públicu al Wildlife Photographer of the Year (Fotógrafu de Vida Montesa del Añu) de 2024.
La fotógrafa aficionada británica Nima Sarikhani dixo que yera un honor ganar el premiu pola escena d’ensueñu «Cama de xelu», que llogró inmortalizar nel archipiélagu noruegu de Svalbard, y dixo que la imaxe «espertó fuertes emociones», como la esperanza, ente quien la vieron.
“Magar el cambéu climáticu ye’l mayor desafíu al qu’enfrentamos, espero qu’esta fotografía tamién inspire esperanza. Inda hai tiempu pa iguar el desastre que causemos”, añedió Sarikhani nun comunicáu de prensa.
Los organizadores dixeron que más de 75.000 persones votaron nel concursu, una cifra récord. “Cama de xelu” foi escoyida d’una llista acutada de 25 imaxes, que primeramente s’amenorgó a unes 50.000 entraes. El Wildlife Photographer of the Year ye desenvueltu y producíu pol Muséu d’Hestoria Natural de Londres.
Douglas Gurr, director del Muséu d’Hestoria Natural, describió la semeya ganadora como “conmovedora” y “impresionante”.
La imaxe que convida a la reflexón ye un claru recordatoriu del venceyu integral ente un animal y el so hábitat y sirve como una representación visual de los impactos perxudiciales del calentamientu global y la perda d’hábitat», dixo Gurr nel comunicáu.
Amás del ganador, hubo cuatro finalistes bien emponderaos. Les cinco imaxes van esibise nel Muséu d’Hestoria Natural de Londres hasta’l 30 de xunu.
