Publicado en Esposiciones

Esposición «Nel Amaro: Postal/Visual»

Na web de Política Llingüística Principáu d’Asturies yá ta disponible pa la so descarga gratuita’l llibru «Nel Amaro – Postal / Visual», catálogu de la esposición dedicada a la creación artística de Nel Amaro.

La esposición «Nel Amaro-Postal/Visual» entamóse con cuenta de la 42 Selmana de les Lletres Asturianes y pudo visitase en Llaboral Centru d’Arte y Creación Industrial dende’l 5 de mayu al 10 de xunetu del 2021.

Ponse agora a disposición gratuita’l catálogu d’esta esposición, que recueye fundamentalmente tres facetes de la trayectoria creativa de Nel Amaro: poesía visual, arte postal y videocreación.

Nel Amaro (Quentuserrón, Mieres, 1946 – Uviéu, 2011) ye ún de los artistes más versátiles de la historia de la cultura asturiana recién, un creador qu’encaró toa clas de xéneros, estilos y formatos en cuasi toles artes. Clásicu y vanguardista, local y universal too a un tiempu, podemos velu agora como paradigma de modernidá y, sobre manera, como una referencia necesaria pa la mocedá artística d’Asturies.

El catálogu pue descargase nel Catálogu de Publicaciones d’esta web y tamién nesti enllaz: Nel Amaro-Postal/Visual.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *