Publicado en Día de...

Día Internacional de la Muyer y la Neña na Ciencia

«Equidá, Diversidá ya Inclusión: L’agua xúnenos».

Col fin de llograr l’accesu y la participación plena y equitativa na ciencia para les muyeres y les neñes, y amás para llograr la igualdá de xéneru y l’empoderamiento de les muyeres y les neñes, l’Asamblea Xeneral de les Naciones Xuníes decidió proclamar en 2016 el 11 de febreru como’l Día Internacional de la Muyer y la Neña na Ciencia.

Les muyeres que se dediquen de manera profesional a la ciencia son menos que los sos colegues homes. Amás, en munchos casos tán peor pagues, les sos carreres duren menos tiempu y cuésta-yos muncho más llegar a puestos importantes (xefes de proyectos, grupos, directores, etc).

Unu de los problemes ye que munches neñes y adolescentes nun quieren faer una carrera científica porque piensen que nun pueden, porque ven poques muyeres científiques y porque munches vegaes lleen o escuchen qu’hai carreres que nun son para les muyeres.

Afortunadamente’l 22 d’avientu de 2015 la ONU aprobó unu resolvimientu que proclama esti Día Internacional y dende entós convida a que se realicen actividaes en tol mundu para sofitar a les científiques y promover l’accesu de les neñes y les muyeres a la educación, la formación y l’investigación n’árees de ciencia, tecnoloxía, inxeniería y matemátiques.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *