Publicado en Premios

Dolfo Camilo Díaz faise col Premiu de la Crítica d’Asturies de columnismu n’asturianu

L’Asociación d’Escritores d’Asturies. anunció yá los ganadores del Premiu de la Crítica d’Asturies de columnismu.

Efectuaes les votaciones correspondientes, el xurá concedió’l Premiu de la Crítica al Columnismo Periodísticu n’asturianu, a Dolfo Camilo Díaz, hestoriador, dramaturgu, escritor y Academicu de la Llingua Asturiana, al considerar y valorar la estraordinaria contribución aportada nos distintos campos de la cultura asturiana: Teatru, música, artículos nos distintos diarios del país, y d’epublicar ventisiete obres n’asturianu traducíes a dellos idiomes.

Sobre la so obra entiéndese a xuiciu d’esti xuráu- l’entusiasmu por tolo asturiano y la so cultura, na multiplicidá de los sos ambientes; escribiéndolos y describiéndolos con harmonía y singular maestría.

El xuráu axuntó en Xixón el xueves día 16 d’avientu, compuestu por Isabel Moro Trabanco, escritora, Llicenciada en Ciencies de la Información; Cristóbal Ruitiña Testa, periodista na RTPA y Miguel Valle Castaño, periodista y reporteru de TeleMadrid, siendo secretariu con voz pero ensin votu, José Marce García Fdez.Luanco, vicepresidente de l’Asociación d’Escritores d’Asturies.

Asina mesmo, el xuráu determinó conceder por unanimidá’l Premiu de la Crítica al Columnismu Periodísticu en castellán a Joaquín Fuertes, columnista del Diariu El Comercio, por considerar que nes sos columnes espublizaes dende l’añu 1965 queden recoyíes, con una prosa clara, cenciella y amena, los aspectos políticos, sociales, culturales y deportivos non yá de Xixón, sinón d’Asturies y del restu d’España.

Autor:

Maestra de Llingua Asturiana Colexu Carmen Ruiz-Tilve - Uviéu