“Sit Down, Free Thoughts” by Pierre Pellegrini. Second Place Winner
Menos ye más ye una máxima que podemos entender al traviés de diverses manifestaciones artístiques que pueden dir dende un diseñu de moda básicu, unu cantar n’acústicu, una llínea de muebles minimalistes o una fotografía en blancu y negru.
La mínima espresión de la guapura puede topase nun paisaxe nevao, una caretera perdida o un elementu de la naturaleza que sobrevive ensin convivir con otros elementos. El blancu y negru, amás, apurre la dosis necesaria de dramatismu y señardá que fai que daqué ínfimu tenga una arrampladora fuerza.
Asina son les captures de los Black and White Minimalist Photo Awards 2022, una galería de trabayos que con un gustu y una delicadeza estraordinarios, llogren tresmitir diverses sensaciones col menor númberu d’elementos posible.
“Alone” by Tim Nevell. First Place Winner