Publicado en Reciclaxe

¿Ónde depositar cada borrafa/residuo?

Usa esta guía de colores para saber cómo dixebrar les borrafes nel llar. Ye una xera fácil y senciella qu’ayuda a que les borrafes recíclense correchamente.

Pasos básicos para reciclar meyor

1. Asitiar los cubos de basura estremaos n’un mesmu espaciu: na cocina, trasteru, garaxe o suétanu, onde sía más prácticu para ti.

2. Apriende a estremar los cubos y colores para nun confundite:

  • Contenedor azul: papel y cartón y la bolsa del pan, anque lleve esa pequena ventana de plásticu.
  • Contenedor verde: envases de vidriu (alcuérdate que si lleva tapa ésta va nel contenedor mariellu).
  • Contenedor mariellu: envases llixeros de plásticu, llates, briks, papel d’aluminiu…
  • Contenedor marrón: restos de comida y otres borrafes orgániques como’l papel de cocina puercu o restos de podar plantes.
  • Contenedor gris: xuguetes y pañales, y polo xeneral tou tipu de restos que nun vaigan a los contenedores de otru colores.
  • Ecoparque o puntos llimpios: electrodomésticos, muebles, ropa, calzáu, aparatos electrónicos, pintura y otres borrafes

3. Estremar los contendores en casa ye fundamental, bien con contenedores o bolses de distintu color. Te va facilitar el llabor de dixebrar y ordenar les borrafes de forma más rápida.

Con estos senciellos pasos reciclar conviertese n’una xera fácil y práctica, y contribuyimos a ameyorar y consiguir una redolada más sostenible.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *