Publicado en Festivales, Música

Cartelu del LI Festival Interceltique de Lorient

L’Urriellu identifícase na imaxe del certame bretón, que vive l’Année des Asturies esti 2022. Cartel

Collores lluminosos que simbolicen el sur con tonos azules pola bandera; valles y montes que reflexen la orografía d’Asturies, col Picu Urriellu na parte central; y un gaiteru, una pareya de baille, un tamboriteru, un percusionista y una panderetera, toos col traxe’l país. Son los aspeutos principales del diseñu fechu pol Festival Interceltique de Lorient pal cartelu de la edición d’esti añu, dedicada a Asturies.

Les feches del 2022 son del 5 al 14 d’agostu, cola presencia yá confirmada de Cerezal y L-R, amás de Silvia Quesada y José Manuel Tejedor na iniciativa ‘Celtic Odysée’ xunto a artistes d’otres naciones celtes. La delegación asturiana va completase con más artistes y formaciones de música y baille.

La edición próxima del festival va ser la cuarta na qu’Asturies tien esti papel; la primera foi nel 1998 y -yos otres dos nel 2003 y 2013. El Festival celebróse per primer vegada na localidá bretona en 1971 pa convertise nun puntu d’alcuentru de -yos llamaes naciones celtes.

Les rexones participantes son, amás d’Asturies, Galicia, Irlanda, Escocia, Bretaña, Gales, Isla de Man y Cornualles.Dende l’añu 2000 foron incorporándose delles comunidaes con emigración celta como EEUU, Australia, Nueva Zelanda, Chile, Arxentina, Méxicu Rumanía o Italia.

El certame bretón ye un referente de los festivales europeos. Dende hai yá munches ediciones, cada añu axunta a más de 4.000 músicos y a barganal de 800.000 asistentes, lo que lu convierte nun gran escaparate con una importancia que va más allá del guo valor musicaly algama una relevante repercusión cultural y turística pa -yos rexones participantes y, fundamentalmente, pa -yos invitaes d’honor, como ye’l casu d’Asturies en 2022.

Alcordances de la última vegada qu’el Festival Intercélticu
d’An Oriant tuvu dedicáu a la nación celta d’Asturies nel 2013


Presentación del cartelu del Festival Intercélticu de Lorient 2022

¡UN CARTELU NEL CUMAL DE LA CELTITUD! Inmersión total nos paisaxes accidentáos y montascosos d’Asturies. Un vientu del sur sopla escontra Bretaña, infundiendo un templáu ambiente a la capital intercéltica.

¡LLUZ SOBRO EL RELIEVE!
Nun efectu de perspectiva, atopamos los distintos relieves d’Asturies: valles, enllanaes y de xacíu los montes colos famosos «Picos d’Europa» , a caballu ente’l territoriu asturianu, qu’atopamos nel centru de la imaxe y que paez llevar el logo del Festival Intercélticu.

LOS COLORES DEL SUR
Xuna paleta de colores lluminosos pa remembrar la calidez de la nación celta más meridional. Atopamos coles mesmes l’azul, que se fai ecu de la bandera asturiana. Los xuegos de colores y testures somórguiennos nuna atmósfera d’atapecer.

Les gradaciones de colores, con un azul bien escuro en  primer planu que s’esmorez escontra colores claros, apurren xuna perspectiva pronunciada y refuercen los distintos relieves remembraos enantes

LA BANDA DE GATES
En primer planu, na cresta, destaquen les figures d’una banda de gaites y de baillarinos. Empreste atención, va poder oyer el ritmu impulsáu polos tambores, les allegres melodíes de les gaites, ver los flamantes vistíos de les baillarines colos brazos llevantaos… Son los acordes de la Celtia del sur qu’empecipien la so llegada a Lorient. ¡Teamos ellí pa da-yos la bienvenida!

VEMONOS EN LORIENT
DEL 5 AL 14 D’AGOSTU DE 2022
@www.festival-interceltique.bz

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *