Publicado en Llambiotaes, Recetes

Los ‘Carajitos del Profesor’

La pasta prepárase con ablana, clara de güevu y azucre

Más de 100 años tienen los ‘Carajitos del Profesor’. La so hestoria entama en 1918, cuando’l profesor de música Falín abre un restaurán en Salas. Ellí entamaron a ellaborar una pasta pa tomar col café. Sicasí, nun foi’l so creador el que-y punxo’l nome, sinón un indianu.

A pesar de que nel chigre del profesor llevaben enforma tiempu ellaborando carajitos, nun foi posible rexistrar la marca hasta 1977.

Más d’un sieglu dempués, les bisnietes de Falín siguen ellaborando los ‘Carajitos del Profesor’ como antaño, entemeciendo ablana, clara de güevu y azucre. Dícennos que l’únicu secretu ye que los ingredientes seyan de bona calidá y facelos de manera artesanal.

Esta pasta ta enllena d’anécdotes. En bona parte porque so madre, la tercer xeneración preparando carajitos, encargóse de da-yos publicidá y que fueren conocíos en tolos llaos.

Tamién apaecen nel Diccionario Secreto de Camilo José Cela, nel qu’analizaba palabres curioses y malsonantes. Amás, el nobel nomábalos siempres que podía.

Na confitería de Salas, la cuarta xeneración ellabora unes 10.000 docenes de carajitos al añu. Amás va haber relevu y una quinta xeneración va siguir preparando los ‘Carajitos del Profesor’.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *