Publicado en Ciencia, Curiosidaes, Reconocimientu

Barbie estrena muñeca inspirada na desarrolladora británica de la vacuna contra’l covid-19

La vacunóloga Sarah Gilbert cola so propia muñeca Barbie nel Muséu d’Hestoria de la Ciencia de la Universidá d´Oxford, Reinu Uníu.(Creitu: Andy Paradise / Shutterstock)

Barbie crea muñeques n’honor a heroínes de la pandemia (Reuters)

La desarrolladora británica de vacunes contra’l coronavirus, la Dra. Sarah Gilbert, tien munchos aponderamientos científicos nel so haber, pero agora comparte un honor con Beyoncé, Marilyn Monroe y Eleanor Roosevelt: una muñeca Barbie asemeyada a ella.


Gilbert, profesora de 59 años de la Universidá d´Oxford y co-desarrolladora de la vacuna Oxford / AstraZeneca, ye una de les seis muyeres desarrolladores de la vacuna contra’l covid-19 que tienen nueves Barbies inspiraes nelles. El fabricante de xuguetes Mattel Inc. ta reconociendolo con una llínea de muñeques Barbie «modelu a siguir».

La Barbie de Gilbert comparte’l so llargu pelo castaño acoloratáu y antioyos negros de gran tamañu, y usa un traxi pantalón azul marín y una blusa blanca.

«Ye un conceutu bien estrañu tener una muñeca Barbie creada a la mio semeyanza», dixo Gilbert nuna entrevista pa Mattel.

«Espero que sía parte de faer más normal que les neñes piensen en carreres científiques».

Otres homenaxaes
Ente les homenaxaes atópense la enfermera de la sala d’emerxencies Amy O’Sullivan, quien trató al primera paciente de covid-19 nel Hospital Wycoff en Brooklyn, Nueva York, y Audrey Cruz, doctora de primera llínea en Les Vegues que lluchó contra la discriminación, según Mattel.

Otres muñeques inclúin a Chika Stacy Oriuwa, xuna residente de psiquiatría canadiense na Universidá de Toronto que lluchó contra’l racismu sistémicu na atención médica, y l’investigadora biomédica brasileña Jaqueline Goes de Jesus, quien dirixió la secuenciación del xenoma d’una variante de covid-19 en Brasil.

A lo último, xuna muñeca rinde homenaxe a Kirby White, xuna médica australianu que foi pionera en desenvolver una bata quirúrxica que los trabayadores de primera llínea pueden llavar y reutilizar mientres la pandemia.

Gilbert escoyó la organización ensin fines d’arriquecimientu WISE (Women in Science & Engineering), dedicada a inspirar a les neñes a considerar una carrera científica, pa recibir una donación financiera del fabricante de xuguetes.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *