Publicado en Conciertu, Música

Cais enllenes pa esfrutar d’un conciertu de campanes nel Uviéu antiguu

Wamba: Campana en funcionamientu más antigua del mundu

Fundida en 1219, sobrevivió a una quema, al rayu que destruyó l’aguya de la Catedral y a los bombardeos de la Revolución del 34 y de la guerra civil.

Una aventura sonora na que participaron percusionistes asturianos voluntarios

Siete campanarios sonando al empar nes cais del Uviéu antiguu algamaron dexar cola boca abierta al públicu. Esti conciertu de campanes, dirixíu pol maestru Llorenç Barber tenía cono protagonista la ‘Wamba’ de la Catedral, la campana en funcionamientu más antigua del mundu.

Una aventura sonora y sensorial na que participaron percusionistes asturianos voluntarios y na que tuvo presente un equipu de TPA Noticies.

Cais enllenes pa esfrutar del conciertu de campanes. Una aventura pa los sentíos mui alloñáu de la música clásica avezada. De fechu, el conseyu yera nun tar paráu.

La falta de lluz y el sonar de les campanes creaben nes cais una atmósfera máxica, onde’l soníu protagonista yera’l de la ‘Wamba’, la campana en funcionamientu más antigua del mundu, que corona la torre de la catedral.

Siete campanarios en total peles diferentes cais del Uviéu antiguu con un trabayu musical y de coordinación que ficieron dellos músicos voluntarios. Una coreografía que prestó a los uvieínos. Una esperiencia pa recordar que munchos llevaron pa casa nel so teléfonu móvil.

Siete campanes allugaes n’edificios emblemáticos del cascu históricu d’Uviéu han tañido na nueche d’esti vienres de forma simultánea nun conciertu que convidaba a los ciudadanos a movese poles cais en busca d’ecos, retumbos, repiques y que sirvió como prólogu de la primer Selmana Profesional de les Artes de la capital asturiana.

Mientres 45 minutos el músicu Llorenç Barber coordinó´l repique nos campanarios de les ilesies de San Isidoro, Santiso y Santa María de la Corte, el Monesteriu de San Pelayo, el Conceyu y l’edificiu históricu de la Universidá cola voz solista’ de la campana de la Catedral d’Uviéu, la «Wamba», fundida en 1219 y considerada la más antigua del mundu n’activu.

Para llegar hasta la Wamba ye necesariu xubir 104 pasos foliaos d’una angosta escalera de cascoxu. A metá de la torre de la Catedral, atópase la sala de les campanes, coles parés de piedra escura llenes de grafitos de pelegrinos que pellí pasaron o inclusive cola marca de los canteros que trabayaron la piedra. Un nome, una fecha y pocu más. Ye una sala con daqué de misteriosu, ocupada pol tingláu, una estructura de vieya madera ensin soportes sobro los murios por que la vibración del repiqueo nun los deteriore. Y ellí presidiendo la sala, les pimpanes campanes sol xugu. Ellí ta La Wamba

Anque la primer referencia de la pieza apaez inclusive antes d’entrar nel templu relixosu. Na mesma puerta, tallada por Bernardo de Meana, ta la Wamba na so see primixenia, nel campanariu vieyu. Porque nació pa la torre construyida en dómina d’Alfonso III’l Magno como elementu de defensa que completaba la fortificación. Yá a finales del sieglu XI, la torre vieya añedió a la so función defensiva la de campanariu.

Encargóse entós una campana pa la mesma, una pieza qu’entrara polos sos vanos pa facilitar l’allugamientu. «El fornu tien qu’atopase por dalgún llugar cercanu, ente les ruines o al meyor so la nave de la Catedral», señala Hevia, acompañáu por Paco Vilares, que dende fai 21 años collabora col arzobispáu y encárgase de dar cuerda a los relóes del templu. Al ser pieces tan pesaes, lo habitual yera qu’artesanos, de normal itinerantes, fabricaren na redoma de la torre’l mesmu fornu. «Cavaben un buecu na tierra onde realizaben un molde de cerámica y depués daben en la so fundición. De fechu apocayá, un arqueólogu atopó unu d’esos fornos nel patiu de San Nicolás de Bari, n’Avilés», rellata’l sacerdote.

D’aquella antigua Catedral, la única campana que se caltien ye la Wamba. Data del añu 1219, tien un metro y ventidós centímetros de diámetru, el so nome obedez al d’un rei visigodu y porta una inscripción en llatín que narra: «Pa dar honra a Dios y llibertá a la Patria. Cristu llámanos. Cristu vence. Cristu impera. Cristu reina, en nome del Señor. Amén».

Anque la Wamba data del sieglu XIII, les campanes empezaron a utilizase con destín llitúrxicu nel sieglu IV al V. San Paulino de Nola, na catedral diócesis de la rexón italiana de Campania, foi’l primeru n’usales. «Y de ende que se llamen nolas o campanes», esplica Hevia. Na Edá Media, empiécense-yos a asignar múltiples usos. Nos monesterios sirvíen pa llamar a los monxos a los oficios, pero tamién s’usaben pa convocar al pueblu a misa a los actos de cultu, el so oxetivu fundamental.

El so usu foi variando y n’ocasiones tamién tuvieron xeres civiles, como tresmitir les hores del reló. Esta ye la razón pola que los conceyos tienen les sos propies campanes. Los toques en casu de quemes o por otres catástrofes públiques, como riaes o hinchentes, tamién fueron avezaos. Inclusive s’atribuyíen a les campanes poderes pa «romper» les nubes. En delles ilesies había siempres daquién de guardia pa faeles sonar al primer signu de nubes y siguiles tocando hasta que se colaren.

Por toes eses facetes pasó la Wamba, qu’hasta fai apenes unos años daba les hores a la ciudá. «Agora’l so usu ta más acutáu p’actos solemnes. Ye necesariu caltenela, porque que permaneza nel bon estáu que tien ye increíble», reconoz el sacerdote. Ello ye que la so hermana na torre de la Catedral, la Santa Cruz, ta xubilada en sufriendo un mordigañu por una bomba llanzada escontra’l templu relixosu mientres la Revolución del 34.

A la torre alta

Cola construcción de la torre alta de la Catedral, la Wamba dexó’l so sitiu p’asitiase onde entá güei permanez, escolgando so un xugu al pie de la Santa Cruz, fundida en 1539. Pasó ellí nel sieglu XVI. «Asitióse mientres s’edificaba la torre, en mediu del procesu de construcción», rellata Hevia. Cuando los obreros llegaron a esi altor del templu relixosu asitiaron ellí les campanes qu’agora nun pueden sacase, «sacantes que rompamos los ventanales».

Dende esa estancia, la campana más antigua de les ilesies españoles sobrevivió a non pocos avatares, «porque a la Catedral pasólu de too». Cuando taba entá en procesu de construcción, el 24 d’avientu de 1521, una quema destruyó gran parte de la ciudá. Les cercanes cais de La Rúa y Cimadevilla quedaron dafechu afaraes y tol andamiaxe de madera asitiáu pa llevantar el templu relixosu quedó tamién fechu cenices. Por suerte, el fueu nun trespaso esi andamiaxe y les reliquies que se guarden na Cámara Santa quedaron a salvo. D’esa primer batalla al infortuniu, la Wamba tamién salió indemne.

Unos años más tarde, la Catedral viviría otru de los sos momentos más delicaos. Un rayu cayó sobre’l templu en 1723. Tan fuerte foi la so fuerza que la flecha cayó y la paré de la fachaes sedose hasta’l suelu. Hubo que reforzar la parte baxa con caliar que puede apreciase claramente y optóse por reconstruyir l’aguya, dándo-yos 15 metros más d’altor y asitiando dellos tambores cilíndricos al so alredor, yá d’estilu neoclásicu. ¿Y qué lu pasó a la campana? «Tuvo muncha suerte y salió ilesa», revela Hevia.

Depués llegaría la Revolución del 34 y la Guerra Civil Española y de nuevu’l templu relixosu saldría mal paráu de les guerres. Una bomba llanzada dende lo alto de la localidá de Naves, dende La Grandota, baltó de nuevu la flecha y una d’eses bombes estropió pa siempres a la campana hermana de la Wamba, la Santa Cruz. «Hai quien inda recuerda la imaxe de la Catedral ensin la flecha. Pudo restaurara’l templu, pero la campana recibió un mordigañu intentóse soldar pero nun dio enforma ésitu», revela’l sacerdote. Agora la Santa Cruz ta xubilada, porque amás del mordigañu, «tien una pequeña raxa y si tocase puede rompese».

Cincuenta gradies más lleven xusto a esi puntu so la fecha, dende onde s’esfruten unes vistes privilexaes de la ciudá y dende onde se ve esa flecha en miniatura que ye la del campanariu del monesteriu de San Pelayo, onde tamién había una campana que competía por convocar a los fieles y pleitos hubo ente dambes. Ganó la Wamba, el tañimientu más antiguu que s’oi nel mundu.

Yá nun hai un encargáu de tañer les campanes de la Catedral, yá naide tien que dormir na sala de peses pindia del momentu en que faer sonar la badayada que convocaba a los fieles pa la lliturxa, pal Conceyu o p’anunciar una quema na ciudá. Pero anque los toques sían mecanizados, n’Uviéu les campanes siguen sonando y en díes especiales, p’actos solemnes d’especial relevancia, la que s’escucha ye la campana más antigua de cuantes permanecen n’activu de too el mundu: la Wamba.

Va dos años xubiláronse dos campanes del sieglu XI que funcionaben nel condáu d´Armagh, n’Irlanda del Norte. Les pieces desmontáronse y lleváronse a un muséu. De magar, la d’Uviéu ye la más vetusta de cuantes cuelguen nos campanarios. «Hai campanes más antigües, pero tán en museos. Por casu en Córdoba esiste una del sieglu IX de la dómina árabe, pero nun ta en funcionamientu. Según los datos que tenemos, la Wamba ye la más antigua», cunta’l sacerdote José María Hevia. Fundida en 1219, sobrevivió a una quema, al rayu que destruyó l’aguya de la Catedral y a los bombardeos de la Revolución del 34 y de la guerra civil.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *