Publicado en Curiosidaes, NATURA

Rani, la vaca miniatura que podría ser considerada la más pequena del mundu

Esta pequena vaca mide tan solo 51 centímetros d’altor y foi toa una sensación n’una granxa en Bangladesh. Ver videu.

Una vaca miniatura convirtióse en toa una sensación n’una granxa de Bangladesh por cuenta de que por el so tamañu podría ser considerada la vaca más pequena del mundu. Miles de persones vinieron visitando esta granxa depués de que les imaxes de la vaca Rani fixérense virales nes redes sociales y sosprendiera pol so diminutu tamañu.

Esti exemplar tien barganal de dos años d’edá y solo creció 51 centímetros, polo que los sos dueños atreviéronse a nomala como la vaca más pequena del mundu y esperen qu’el so títulu sía confirmáu pola organización de los Guinness World Récords (GWR).

D’esta forma, la vaca miniatura convertiose n’una estrella nel país y salió nes portaes de decenes de periódicos y na televisión por cuenta de que munchos medios centraron la so atención nesti pequeñu bovín.

Rani, la vaca nana de 23 meses, convertiose n’enclín/tendencia y percuerre los medios del mundu colos sos apenes 66 centímetros de llargu y unos 26 kilogramos.

La gran mira por confirmar la esistencia d’esta vaca desencadenó una puxanza turística escontra la granxa de Charigram, allugada a 30 kilómetros al suroeste de Daca. Les persones quedaron sosprendíes pol tamañu d’esti animal una y bones solo mide 66 centímetros de llargu y pesa namá 26 kilogramos, polo que los sos dueños creen que ye 10 centímetros más pequena que la vaca qu’ostenta’l títulu de los *Guinness Récords.

Precisamente, la vaca más pequena del mundu na actualidá ye Manikyam, un diminutu bovín que vive nel estáu de Kerala (India) y que tien esti títulu depués de que se confirmara en 2014 que tenía unu altor de 61 centímetros

“Fai calor y equí ye particularmente húmedu. Creemos qu’esto tien un efectu nel altor del nuesu ganáu. Si’l ganáu Vechur llevase a otru llugar del país, col tiempu va aumentar d’altor. Solo en Kerala caltienen la so estatura de nanos”, esplicó EM Muhammed, veterinariu local a los GWR.

El xerente de la granxa Shikor Agru en Bangladesh, M.A. Hasan Howlader, tien como oxetivu comprobar que Rani puede ostentar esti títulu y por eso espera que se confirme esti récord lo más aína posible.

“La xente vien dende bien llueñe a pesar del confinamientu. Más de 15.000 persones vinieron ver a Rani namá en trés díes”, indicó Howlader, al añedir que la organización de los Guinness Récords yá tien tolos documentos y cumplieron los requisitos para confirmar esti nuevu récord mundial.

Acordies con el granxeru, Rani pertenez a una especie bovina que la so carne ye bien apreciada en Bangladés, pero curiosamente esta vaca nació miniatura y los otros exemplares doblen el so tamañu.

El veterinariu de la rexón, Sajedul Islam, esplicó que l’altor de la vaca Rani podría tar rellacionada con un problema de consanguinidá y ye pocu probable que creza, polo que de confirmase podría llograr esti récord mundial.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *