Publicado en Música

Slum Suit a piques d’espublizar un nuevu álbum.

El mio primu Carlos ta a piques d’espublizar un nuevu álbum.

Fonte: Música Asturiana

Yá queda mui poco pa qu’asoleye ‘La Casa Vieya‘, el tercer EP del grupu de jazz de raigañu Slum Suit. Tres llanzar en 2017 -cuando la formación tovía taba asitiada en Nueva York- el trabayu homónimu ‘Slum Suit‘ y en 2019 ‘Ida y Vuelta‘; en 2020 la banda reconvirtióse nun cuartetu más averáu al jazz cola incorporación de músicos renomaos d’esta escena: Xaime Arias al pianu, Eva D. Toca a la batería y Óscar Santos al baxu. El videoclip d’adelantu del so próximu trabayu, “Debaxo la to ventana“, ye una amuesa clara d’esta tresformación na que’l grupu entemez nueves composiciones cola adaptación jazzera del cancioneru popular asturianu.

«“Debaxo la to ventana” naz d’una melodía que cantaba Fernando Huerta Toribio (el nuesu tío materno), natural de Tanda, Ponga. Nós garramos ese trocín de música y lletra y adaptámoslo a un llinguaxe jazzísticu, con cambios de ritmu, de modu y solos de tolos instrumentos de la banda, para caún espresar la nuestra idea diferente sobre’l mesmu cantar.» , comenta’l gaiteru y saxofonista Carlos Casado, cabezaleru de Slum Suit, sobre’l single. Nesti cantar -que ta tamién en toles plataformes dixitales– cunten amás cola collaboración d’Aida Suárez a la voz y al panderu.

Pa Casado, esti tems representa «la carta de presentación de la dirección y idea musical de Slum Suit», formación que con ‘La Casa Vieya’ quier «trabayar con melodíes o ritmos populares y dempués xugar con ellos cambiándolos todo lo se puea pero calteniendo la esencia de la canción». Los seis temes que formen l’EP los grabó Alejandro Lafuente “Lafu” nun estudiu móvil montáu na Escuela de Música de Grau y van asoleyar el 29 d’abril en formatu CD y dixital.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *