Publicado en Semeyes

Restorán Ithaa, Isla Maldivas

Un restorán non aptu para claustrofóbicos y ansiosos nel hotel Conrad Maldives Rangali Island. Ta a 5 metros sol mar y tien parés y techu de cristal por que veas a les especies marines mientres esfrutes una esquisita cena.

Nel atolón Alif Dhaal, concretamente na isla de Rangali, al oeste de Maldivas, l’Ithaa, el primer restorán submarín del mundu, sigui ufiertando esperiencies úniques a cinco metros sol índicu.

© Wikipedia Commons.

Cuando pasiamos per primer vegada pol muelle del Conrad Hotels & Resorts, propiedá de la cadena Hilton, na isla de Rangali, pocos decaten d’esa entrada que te conduz al traviés d’una escalera n’espiral 5 metros so l’agua hasta’l Ithaa (madre de la perlla na llingua maldiva Dhivehi), un restorán submarín de 9 metros de llongura por 5 d’anchu con panorámiques de 180 graos d’un océanu Índicu pol que verbenen pez loro, tortúes y corales de mil colories. Asina ye’l Ithaa, el primer restorán submarín del mundu.

© alex_verga

L’Ithaa abre tolos díes de 11 de la mañana a medianueche y ufierta comíes y cenes (pela nueche nun se dexen neños) compuestes por menúes que suelen tomar cuatro platos na xinta y seis na cena. Ente les especialidaes nun falten delicies europees pasaes pol filtru tropical como pastia de llagosta, tartar de gamba o bacaláu con mueyu/salsa de cocu, nueves formes de concebir la irresistible gastronomía de Maldivas.

De xacíu, tomar un cóctel nel primer restorán submarín del mundu como escusa p’almirar los fondos marinos ye tamién xuna bona opción.

Ithaa influyó n’otros munchos proyectos a la de reinventar les cenes sol mar y ente les foles, siendo Dubai o, especialmente, Maldivas los llugares onde esti tipu de construcción casen a la perfección col luxu y les esperiencies úniques. Nel casu de Maldivas, el Subsix allugáu nel resort Per Aquum del atolón Niyama ye otru bon exemplu de restorán submarín:

Más allá del primer restorán submarín del mundu: cenar n’un dhoni, suañar dende un faru

© Baros Maldives

No que fai a restoranes construyíos nel mar nun hai nada escritu, y anque la esperiencia submarina puede suponer tou un aciertu, la opción de cenar na superficie del Índicu pasa por otres opciones más recomendables p’amantes de la intimidá y l’aire llibre.

En Baros Maldives , por casu, el Lighthouse Restaurant, consideráu como xuno de los meyores restoranes de Maldivas, ufierta platos que van dende’l tartar d’atún hasta’l rapsberry mule nun pabellón chiscáu en metá del océanu onde comer ente fondos marinos y atapeceres nun ambiente único.

De la mesma, el Ba’Theli Lounge, el gran arguyu del resort Milaidhoo , aprovecha les mítiques embarcaciones maldivas llamaes dhonis pa ufiertar esperiencies culinaries distintes, mecíos pol oral, cenando al típicu estilu made in Maldives.

Como podéis comprobar, l’Ithaa, el primer restorán submarín del mundu en Maldivas ye solo xuna de les munches opciones a la d’esfrutar d’un archipiélagu que sabe cómo reinventar les esperiencies culinaries.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *