Un añu más, VerAsturies va siguir tando presente na Feria Internacional d’Amueses de Asturies, un eventu onde cientos d’espositores danse a conocer. Nel nuesu casu, nun hai meyor ocasión para dar a conocer los nuesos productos que nesti eventu celebráu na Cortil Ferial Luis Adaro. Por eso, vamos disponer d’un stand de marques gastronómiques asturianes por que pruebes el sabor d’Asturies.
Nesta edición de 2023 son 6 les marques que vamos ufiertar nel nuesu stand, asitiáu nel pabellón 3-4, que son les siguientes:
Orbayu Gin
Trátase d’una xinebra tipu “London Dry” na que s’atopen representaes la naturaleza y esencia d’Asturies. Gracies a la ellaboración en pequenos llotes, pueden dedicar al productu tou la paciencia y el cuidu riquíos. D’esta forma consíguese un destilau qu’ufierta un sabor fresco y nidio, un color cristalín y un escelente arume duce con fondu herbal venceyáu a la nuesa tierra, Asturies.
Miel El Truébano
Miel El Truébano ye’l miel que tabes esperando. Los sos truébanos tán partíes per dellos montes del conceyu d’Ayande, zona melífera por excelencia. Trátase d’unu miel de color pardu, escura, trupa; d’arume intenso y persistente y un sabor duce con un llixeru toque amargosu tan característicu d’esta flor de la Cornisa Cantábrica. Ye uno miel peneráu, n’estáu natural, con toles sos propiedaes y característiques.
La Tebergana
De traces claramente tradicionales, utilizando siempres materia primo de primera calidá, La Tebergana da a conocer a los visitantes de la FIDMA la gran variedá de dulces, sabores y testures tantu locales como rexonales. L’ampliu abanicu de sabores de la so pastelería artesana tradicional y actual ellabórase pasu a pasu nel so obrador. Los sos productos estrella son les galletes de mantequilla. ¡Tienes que probales!
Cárnicas La Nave
El procesu d’ellaboración de los sos productos realízase dafechu de manera tradicional pasando’l secretu en cada xeneración. Curien cada detalle dende’l so empiezu na elección de la meyor calidá en carne 100% autóctona d’Asturies. Los sos productos son lo más tradicionales y naturales posibles, ensin utilizar colorantes nin conservantes respetando al máximu los tiempos de sanamientu. Los productos de Cárnicas La Nave tienen el sabor perfecto.
La Llata de Galletes
Repostería casera y chocolates artesanos son dalgunes de les coses que vas poder atopar nel espaciu de La Llata de Galletes. Equí vas poder atopar tou tipu de productos, anque’l productu estrella son les galletes, que son bien bones de sabor, con un empaquetau perbién curiáu y con bonísima pinta. Cada productu vas saber que ye caseru solu con probalo. ¡Non tardes en dicite, que los sos productos vuelen!
Arándanos El Llanu
Con una producción totalmente manual y natural, n’Arándanos El Llanu nun utilicen pesticides nin productos químicos. Recueyen con ciñu y esfuerzu diariamente solo los arándanos en perfectu estáu de maduración por que puedas esfrutar d’un sabor único que-yos fixo ser el meyor arándanu d’Asturies tres l’últimu certame celebráu en Villaviciosa. Con tan solo probar unu, ¡nun vas poder parar!
